सर्वात महागडे लग्न! 10, 20, 50 लाख नाहीतर, लग्नात खर्च केले तब्बल 500 कोटी 

लग्नाचा हंगाम (Wedding Season) सुरु झाला आहे. लोक लग्नावर कधी लाखो तर कधी करोडो रुपये खर्च करतात. जे अनेकदा चर्चेचे कारण बनते.

Expensive Wedding News

Most Expensive Wedding: सध्या लग्नाचा हंगाम (Wedding Season) सुरु झाला आहे. लोक लग्नावर कधी लाखो तर कधी करोडो रुपये खर्च करतात. जे अनेकदा चर्चेचे कारण बनते. सध्या अमेरिकेतील साऊथ फ्लोरिडा येथे राहणारी मॅडलेन ब्रॉकवे तिच्या ग्रॅण्ड वेडिंगमुळं जगभरात चर्चेत आहे. 26 वर्षीय मॅडलीन ब्रॉकवेने तिच्या लग्नात इतका पैसा खर्च केला आहे की लोक त्याला 'वेडिंग ऑफ द सेंचुरी' म्हणू लागले आहेत. मॅडलीनने तिच्या लग्नात एकूण 500 कोटी रुपये खर्च केले आहेत.

पॅरिसमध्ये पार पडला शाही विवाह सोहळा  

मॅडलेन ब्रॉकवेने फ्रान्सच्या पॅरिसमधील अतिशय सुंदर शहरात तिच्या प्रियकराशी लग्न केले. या शानदार लग्नाचे फोटो तिने सोशल मीडियावर शेअर केले आहेत. 5 दिवसांच्या भव्य लग्नात थीम पार्टीसह अनेक शाही गोष्टींचा समावेश होता. या संपूर्ण लग्नात मॅडलीनने एकूण 59 मिलियन डॉलर म्हणजेच 491 कोटी रुपये खर्च केले. अशा परिस्थितीत हा विवाह जगातील सर्वात महागड्या विवाहांपैकी एक ठरला आहे. मॅडलेन ब्रॉकवेचे वडील बॉब ब्रॉकवे हे Ussery ऑटोमोटिव्ह ग्रुपचे सीईओ आहेत. त्याची आई पॉला ब्रॉकवे फ्लोरिडाच्या मर्सिडीज बेंझ शाखेच्या उपाध्यक्ष आहेत.

सोशल मीडियावर लोकांच्या प्रतिक्रिया

या दिमाखदार लग्नाचे फोटो सोशल मीडियावर व्हायरल झाल्यानंतर लोकांचा एक भाग याकडे शाही विवाह म्हणून पाहत आहे. तर काही लोक पैशाची उधळपट्टी केल्याचे म्हणत आहेत.  कमेंट करताना एका यूजरने लिहिले की, मॅडलेन ब्रॉकवेचे लग्न एखाद्या स्वप्नापेक्षा कमी नाही. तर एका यूजरने या लग्नाला पैशाची उधळपट्टी म्हटले आहे.

भारतातील सर्वात महागडे लग्न कोणते? 

केवळ भारतातीलच नव्हे तर संपूर्ण आशियातील सर्वात श्रीमंत व्यक्ती मुकेश अंबानी अग्रस्थानी आहेत. त्यांची मुलगी ईशा अंबानीचे लग्न आनंद पिरामल यांच्याशी झाले होते. त्यांच्या विवाह भारतातील सर्वात महागड्या विवाहांपैकी एक आहे. या भव्य लग्नात अंबानी कुटुंबाने 742 कोटी रुपये खर्च केले होते. या लग्नात अमेरिकन पॉप सिंगर बियॉन्सेचा खासगी कॉन्सर्टही आयोजित करण्यात आला होता. या लग्नाला बॉलीवूडपासून व्यवसाय आणि राजकारणापर्यंत अनेक दिग्गजांनी हजेरी लावली होती. इटलीतील लेक कोमो ते उदयपूर आणि त्यानंतर मुंबईपर्यंत लग्नाचे विधी पूर्ण झाले होते.

महत्त्वाच्या बातम्या: