Multibagger IPO Droneacharya: शेअर असावा तर असा! फक्त पाच दिवसात एक लाखाचे झाले 2.40 लाख रुपये
Multibagger IPO Droneacharya: ड्रोनआचार्य ड्रोन कंपनीने आपल्या गुंतवणूकदारांना चांगलेच मालामाल केले आहे. शेअर बाजारात लिस्ट झाल्यानंतर सलग पाचव्या दिवशी अप्पर सर्किट लागले आहे.
Multibagger IPO Droneacharya: मागील दोन दिवसांपासून शेअर बाजारात घसरण सुरू (Share Market) असताना दुसरीकडे काही शेअर्स सुस्साट पळत आहे. शेअर बाजारात लिस्टिंग झाल्यापासून अवघ्या पाच दिवसात या शेअरने गुंतवणूकदारांना दीडपट नफा मिळवून दिला आहे. शेअर बाजारात ड्रोन कंपनी ड्रोनआचार्य एरियल इनोव्हेंशन (DroneAcharya AI) शुक्रवारी सूचीबद्ध झाली होती. त्यानंतर सलग पाचव्या दिवशी या कंपनीच्या शेअरला अप्पर सर्किट (Upper Circuit) लागले आहे.
आज गुरुवारीदेखील या कंपनीचा शेअर बीएसईवर टक्क्यांनी वधारत 130.10 रुपयांवर व्यवहार करत होता. आयपीओमध्ये 54 रुपये प्रति शेअर इतकी किंमत निश्चित करण्यात आली होती. आयपीओ बाजारात लिस्ट झाल्यानंतर आतापर्यंत 140 टक्क्यांनी शेअर दर वधारला आहे.
लिस्टिंगच्या दिवशीच पैसे दुप्पट
DroneAcharya AI कंपनीने लिस्टिंगच्या पहिल्याच दिवशी गुंतवणूकदारांना जबरदस्त परतावा दिला. पहिल्याच दिवशी गुंतवणूकदारांचे पैसे दुप्पट झाले होते. त्यानंतर या कंपनीच्या शेअर दरात अप्पर सर्किट लागत आहे.
आमिर खान आणि रणबीर कपूर यांना ब्लॉकबस्टर फायदा
शंकर शर्मा यांच्याकडे या कंपनीचे 4.57 लाख शेअर आहेत. जवळपास 2.45 कोटी रुपयांची त्यांची गुंतवणूक आता जवळपास दुप्पट झाली आहे. तर, वर्षाच्या सुरुवातीला प्री-आयपीओ काळात निधी जमवताना बॉलिवूड सुपरस्टार आमिर खान याने जवळपास 25 लाख रुपयांमध्ये ड्रोनआचार्य कंपनीचे 46,600 शेअर खरेदी केले होते. तर, रणबीर कपूरने 37,200 शेअर खरेदी करण्यासाठी जवळपास 20 लाख रुपयांची गुंतवणूक केली होती. प्री-आयपीओमध्ये गुंतवणूकदारांना 53.59 रुपये प्रति शेअर इतका दर देण्यात आला होता.
आयपीओला जबरदस्त प्रतिसाद
पुण्यातील या ड्रोन स्टार्टअपला गुंतवणूकदारांचा उदंड प्रतिसाद मिळाला. हा आयपीओ ओव्हरसबस्क्राइब झाला होता. तीन दिवसांत ते 262 पटीने सबस्क्राइब झाला. किरकोळ गुंतवणूकदारांसाठी असलेला कोटा हा 330 पटीने सबस्क्राइब झाला होता.
DroneAcharya AI ही 2022 मध्ये DGCA (Directorate General of Civil Aviation) प्रमाणित RPTO (रिमोट पायलट ट्रेनिंग ऑर्गनायझेशन) परवाना मिळवणारी पहिली खाजगी कंपनी आहे. मार्च 2022 पासून कंपनीने 200 हून अधिक ड्रोन वैमानिकांना प्रशिक्षण दिले आहे.
(Disclaimer: ही बातमी केवळ माहितीसाठी आहे. शेअर बाजारातील गुंतवणूक ही जोखीमपूर्ण आहे. शेअर बाजारात व्यवहार करण्यापूर्वी आर्थिक सल्लागाराचा सल्ला घ्यावा. तुमच्या आर्थिक नुकसानीला एबीपी माझा जबाबदार राहणार नाही.)
महत्त्वाच्या बातम्या
ट्रेंडिंग न्यूज
