मोठी बातमी! देशातल्या दुसऱ्या सर्वात मोठ्या IT कंपनीला 6506 कोटींचा नफा, गुंतवणूकदारांना मोठा लाभांश जाहीर

देशातील दुसरी सर्वात मोठी IT कंपनी असलेल्या Infosys ने आर्थिक वर्ष 2024-25 च्या दुसऱ्या तिमाहीचे निकाल जाहीर केले आहेत. कंपनीने दुसऱ्या तिमाहीत 6506 कोटी रुपयांचा नफा (profit) कमावला आहे.

Infosys News

Source : Infosys News

Infosys News : देशातील दुसरी सर्वात मोठी IT कंपनी असलेल्या Infosys ने आर्थिक वर्ष 2024-25 च्या दुसऱ्या तिमाहीचे निकाल जाहीर केले आहेत. या तिमाहीत कंपनीचा महसूल 40986 कोटी रुपये होता. कंपनीने दुसऱ्या तिमाहीत 6506 कोटी रुपयांचा नफा (profit) कमावला आहे. जो गेल्या वर्षीच्या दुसऱ्या तिमाहीच्या तुलनेत 4.7 टक्के अधिक आहे. इन्फोसिसने दुसऱ्या तिमाहीत गुंतवणूकदारांना प्रति शेअर 21 रुपये लाभांश देण्याची घोषणा केली आहे.

शेअरधारकांना प्रति शेअर 21 रुपये अंतरिम लाभांश जाहीर

शेअर बाजार (Share Market) बंद झाल्यानंतर दुसऱ्या तिमाहीचे निकाल जाहीर करताना इन्फोसिसने सांगितले की, कंपनीने या तिमाहीत 6506 कोटी रुपयांचा निव्वळ नफा कमावला आहे. जो गेल्या आर्थिक वर्षाच्या दुसऱ्या तिमाहीत 6212 कोटी रुपयांचा नफा होता. वर्ष 2023-24 म्हणजे वर्षानुवर्षे नफ्यात सुमारे 5 टक्के वाढ झाली आहे. दुसऱ्या तिमाहीत इन्फोसिसचा महसूल 40,986 कोटी रुपये होता. जो गेल्या आर्थिक वर्षाच्या याच तिमाहीत 38,994 कोटी रुपये होता. म्हणजे वर्षाला महसुलात 5.1 टक्के वाढ झाली आहे. इन्फोसिसने दुसऱ्या तिमाहीत शेअरधारकांना प्रति शेअर 21 रुपये अंतरिम लाभांश जाहीर केला आहे. या लाभांशाची विक्रमी तारीख 29 ऑक्टोबर 2024 निश्चित करण्यात आली आहे. दरम्यान, दुसऱ्या तिमाहीत इन्फोसिसच्या कर्मचाऱ्यांची संख्या वाढली आहे. ही संख्या 317788 झाली आहे. जी पहिल्या तिमाहीच्या शेवटी 315332 होती.

चालू आर्थिक वर्षासाठी 3 ते 4 टक्के महसूल वाढीचे लक्ष्य होते

चालू आर्थिक वर्षासाठी कंपनीने महसूलासंदर्भात मार्गदर्शन करणाऱ्यांना 3.75 ते 4.5 टक्के हिस्सा दिला आहे यापूर्वी इन्फोसिसने चालू आर्थिक वर्षासाठी 3 ते 4 टक्के महसूल वाढीचे लक्ष्य दिले होते. त्रैमासिक निकालांबद्दल, इन्फोसिसचे सीईओ आणि एमडी सलील पारीख म्हणाले, मागील तिमाहीच्या तुलनेत दुसऱ्या तिमाहीत 3.4 टक्के मजबूत वाढ झाली आहे. वित्तीय सेवांच्या उत्कृष्ट कामगिरीमुळे ही वाढ दिसून आली आहे. भारतीय शेअर बाजारात मोठी घसरण होऊनही, इन्फोसिसचे शेअर्स 2.58 टक्क्यांच्या वाढीसह 1969.50 रुपयांवर बंद झाले. बाजार बंद झाल्यानंतर इन्फोसिसचे निकाल जाहीर झाले. दरम्यान, इन्फोसिस कंपनीने दुसऱ्या तिमाहीत शेअरधारकांना प्रति शेअर 21 रुपये अंतरिम लाभांश जाहीर केला आहे. या लाभांशाची विक्रमी तारीख 29 ऑक्टोबर 2024 निश्चित करण्यात आली आहे. म्हणजे 29 ऑक्टोबरच्या आत सर्व गुंतवणुकदारांना लाभांश दिला जाणार असल्याची माहिती कंपनीच्या प्रशासनाने दिली आहे. 

महत्वाच्या बातम्या: