एक्स्प्लोर

Share Market: दोन सत्रांच्या तेजीनंतर शेअर बाजारात पुन्हा घसरण; Nifty 18,100 च्या आत तर Sensex 261 अंकांनी घसरला

Stock Market Updates: शेअर बाजारात आज पॉवर, एफएमसीजी आणि ऑटो क्षेत्रात 0.5 ते एका टक्क्यांपर्यंत घसरण झाली.

By : एबीपी माझा ब्युरो | Edited By: अभिजीत जाधव | Updated at : 19 Jan 2023 03:47 PM (IST)

Closing Bell Stock Market Updates

मुंबई: सलग दोन सत्रांच्या तेजीनंतर शेअर बाजारात (Closing Bell Stock Market Updates) आज पुन्हा एकदा घसरण झाल्याचं दिसून आलं. मुंबई शेअर बाजाराचा निर्देशांक सेन्सेक्समध्ये (Sensex) आज 187 अंकांची घसरण झाली. तर राष्ट्रीय शेअर बाजाराचा निर्देशाक निफ्टीमध्ये (Nifty) 57 अंकांची घसरण झाली. सेन्सेक्समध्ये आज 0.31 टक्क्यांची घसरण होऊन तो 60,858 वर घसरला. तर निफ्टीमध्ये आज 0.32 अंकांची घसरण होऊन तो 18,107 वर घसरला.

आज शेअर बाजार बंद होताना एकूण 1549 शेअर्समध्ये वाढ झाली. तर 1867 शेअर्समध्ये घसरण झाली. आज एकूण 117 शेअर्समध्ये कोणताही बदल झालेला नाही.

शेअर बाजारात आज Adani Enterprises, Asian Paints, Tata Motors, IndusInd Bank आणि Kotak Mahindra Bank कंपन्यांच्या शेअर्समध्ये घसरण झाली. तर Coal India, UPL, ONGC, SBI Life Insurance आणि BPCL कंपन्यांच्या निफ्टीमध्ये वाढ झाली. बीएसई मिडकॅप आणि स्मॉलकॅप इंडेक्समध्येही काहीशी घसरण झाली. पॉवर, एफएमसीजी आणि ऑटो क्षेत्रात 0.5 ते एका टक्क्यांपर्यंत घसरण झाली.

रुपया 11 पैशांनी घसरला

शेअर बाजारातील घसरणीनंतर रुपयांच्या किमतीमध्येही 11 पैशांची घसरण झाल्याचं दिसून आलं. डॉलरच्या तुलनेत आज रुपयाची किंमत 81.35 इतकी आहे.

अमेरिकेची मंदावलेली अर्थव्यवस्था आणि फेडरल रिझव्‍‌र्हच्या अधिकार्‍यांच्‍या वक्तव्यांचा परिणाम जागतिक बाजारावर नकारात्मक झाल्याचं दिसून आलं. त्यामुळे जगातील प्रमुख शेअर बाजारांची सुरूवात काहीशी मंद गतीने झाली. भारतीय शेअर बाजारात शेवटच्या तासाच्या खरेदीचा जोर दिसून आला आणि त्यामुळे गुंतवणूकदारांचा तोटा काहीसा कमी होण्यास मदत झाली.

या शेअर्समध्ये वाढ झाली