Ajay Piramal : अजय पिरामल यांच्या कंपनीला मोठा फटका, 'इतके' हजारो कोटी रुपये पाण्यात
Mukesh Ambani : अजय पिरामल यांच्या कंपनीच्या डिसेंबर तिमाहीचा निकाल समोर आला असून त्यामध्ये त्यांना मोठा फटका बसला.
मुंबई : देशभरातील शेअर बाजारातील चढउतारामुळे अनेकांना फायदा आणि नुकसान सोसायला लागल्याचं दिसून येतंय. उद्योगपती अजय पिरामल (Ajay Piramal) यांच्या कंपनीचेही मोठे नुकसान झाले आहे. अजय पिरामल यांनी पिरामल एंटरप्रायझेस लिमिटेडचे तिमाही निकाल जाहीर केले आहेत. त्यामध्ये कंपनीचे सुमारे 2400 कोटी रुपयांचे नुकसान झाल्याची आकडेवारी सांगते.
किती नुकसान झाले?
पिरामल एंटरप्रायझेस लिमिटेडने सोमवारी सांगितले की, पर्यायी गुंतवणूक निधी (AIF) मधील जोखमीच्या उच्च तरतुदींमुळे डिसेंबर तिमाहीत एकत्रित आधारावर 2,378 कोटी रुपयांचे नुकसान झाले आहे. नॉन-बँकिंग फायनान्स कंपनी (NBFC) पिरामल एंटरप्रायझेसने एका वर्षापूर्वी याच तिमाहीत 3,545 कोटी रुपयांचा एकत्रित निव्वळ नफा कमावला होता. रिझर्व बँकेने AIFs मधील कर्जदारांच्या जोखमीबाबत कठोर नियम आणल्यानंतर ऑक्टोबर-डिसेंबर 2023 तिमाहीत कंपनीने 3,540 कोटी रुपयांची तरतूद केली होती.
उत्पन्नही घटले
या कालावधीत कंपनीचे एकत्रित उत्पन्न एका वर्षापूर्वीच्या 2,867 कोटी रुपयांवरून 2,546 कोटी रुपयांवर घसरले. त्याचे व्याज उत्पन्नही 1,931 कोटी रुपयांवर आले आहे, तर एका वर्षापूर्वी ते 2,006 कोटी रुपये होते. या कालावधीत कंपनीचा एकूण खर्च 2,414 कोटी रुपये होता, जो एका वर्षापूर्वी याच कालावधीत 2,807 कोटी रुपये होता. डिसेंबर 2023 अखेर कंपनीचा एकूण NPA 2.41 टक्के होता तर निव्वळ NPA 1.11 टक्के होता. पिरामल एंटरप्रायझेसने अलीकडेच श्रीराम इन्व्हेस्टमेंट होल्डिंग्स प्रायव्हेट लिमिटेड (पूर्वीचे श्रीराम इन्व्हेस्टमेंट होल्डिंग्स लिमिटेड) च्या पूर्ण पेड-अप इक्विटी शेअर भांडवलापैकी 20 टक्के श्रीराम ओनरशिप ट्रस्ट (SOT) ला 1,440 कोटी रुपयांना विकण्याची घोषणा केली.
शेअर्समध्ये वाढ
दुसरीकडे, पिरामल एंटरप्रायझेसच्या शेअर्सबद्दल बोलायचे झाल्यास त्यामध्ये एक टक्क्यांहून अधिक वाढ दिसून आली आहे. बीएसईच्या आकडेवारीनुसार, कंपनीचे शेअर्स 1.14 टक्के म्हणजेच 10 रुपयांच्या वाढीसह 883.55 रुपयांवर बंद झाले. तर ट्रेडिंग सत्रादरम्यान कंपनीच्या समभागांनी 900.50 रुपयांचा दिवसाचा उच्चांक गाठला होता. आज कंपनीचे शेअर्स 892.15 रुपयांवर उघडले आणि दिवसाच्या 855.65 रुपयांच्या खालच्या पातळीवरही पोहोचले. तथापि, कंपनीचा 52 आठवड्यांचा उच्चांक 1,140 रुपये आहे आणि कंपनीचे मार्केट कॅप 19,850.16 कोटी रुपये आहे.
ही बातमी वाचा :
महत्त्वाच्या बातम्या
