एक्स्प्लोर

Vinayak Chaturthi 2024 : 'हा' आहे विनायक चतुर्थीचा शुभ मुहूर्त, 'अशी' करा बाप्पाची मनोभावे पूजा; जाणून घ्या योग्य वेळ

Vinayak Chaturthi 2024 : श्रावण महिन्यात 8 ऑगस्ट रोजी म्हणजेच आज विनायक चतुर्थी साजरी केली जाणार आहे. गजाननाची यथायोग्य पूजा केल्याने जीवनात सुख-समृद्धी राहते आणि देव प्रसन्न होतो, असे म्हणतात.

By : जयदीप मेढे | Updated at : 08 Aug 2024 08:55 AM (IST)

Vinayak Chaturthi 2024

Vinayak Chaturthi 2024 : हिंदू कॅंलेंडरनुसार, पवित्र अशा श्रावण (Shravan) महिन्याला सुरुवात झाली आहे. त्यानुसार, आज श्रावणाचा चौथा दिवस आहे. आजच्या दिवशी विनायक चतुर्थी साजरी केली जाणार आहे. हिंदू धर्मात गणपतीला प्रथम पूजनीय स्थान आहे. कोणत्याही शुभ कार्याची सुरुवात ही गणेश पूजनानेच होते. गणपतीला संकंष्टी आणि विनायक चतुर्थी तिथी समर्पित आहे. चतुर्थीला श्रीगणेशाची विधीवत पूजन करताना व्रत करण्याची परंपरा आहे. दर महिन्याच्या शुक्ल पक्षातील चतुर्थी तिथीला विनायक चतुर्थी (Vinayak Chaturthi) व्रत पाळले जाते. यावेळी श्रावण महिन्यात 8 ऑगस्ट रोजी म्हणजेच आज विनायक चतुर्थी साजरी केली जाणार आहे. गजाननाची यथायोग्य पूजा केल्याने जीवनात सुख-समृद्धी राहते आणि देव प्रसन्न होतो, असे म्हणतात. त्यानुसार विनायक चतुर्थीचा शुभ मुहूर्त कधी असणार आहे या संदर्भात अधिक जाणून घेऊयात.

विनायक चतुर्थीचा शुभ मुहूर्त (Vinayak Chaturthi 2024 Muhurat) :

आज गुरुवार 08 ऑगस्ट 2024 रोजी श्रावण महिन्यातील शुल्क पक्षातील विनायक चतुर्थी तिथी असणार आहे. चतुर्थी तिथी गुरुवारी रात्री 12 वाजून 37 पर्यंत असणार आहे. चतुर्थी तिथीला श्रीगणेशाची मनोभावे पूजा केली जाते. आज दुपारी 12 वाजून 39 पासून शिवयोग सुरु होईल. तसेच आज उत्तरा फाल्गुनी नक्षत्र रात्री 11 वाजून 34 मिनिटांपर्यंत जागृत असणार आहे. याशिवाय राहुकाळ 1 वाजून 50 मिनिटांपासून सुरु होईल ते 3 वाजून 36 मिनिटांपर्यंत असेल. गुरुवारी अभिजित मुहूर्त सकाळी 11 वाजून 54 मिनिटांपासून सुरु होईल ते 12 वाजून 46 मिनिटांपर्यंत असेल.

'या' मंत्रांचा जप करा

या दिवशी सकाळी लवकर उठून स्नान करून देवाची पूजा करा. श्रीगणेशाच्या मूर्तीची प्रतिष्ठापना करा. नंतर त्यांचा जलाभिषेक करावा. यावेळी गणपतीला चंदनाचा टिळा लावावा. श्रीगणेशाला वस्त्र, कुंकू, उदबत्ती, दिवा, अखंड लाल फुले, सुपारीची पाने, सुपारी इत्यादी अर्पण करा. बाप्पाला मोदक आणि दूर्वा खूप आवडतात. म्हणूनच मोदकांचा प्रसाद म्हणून नक्की समावेश करा. या दिवशी बाप्पाला प्रसन्न करण्यासाठी 'ओम वक्रतुंडा महाकाय सूर्य कोटी संप्रभ. अखंड कुरुमध्ये देव, सर्व कार्यांचा स्वामी, सर्वकाळ.' जप करा. तुम्ही गणेश मंत्र स्तोत्राचाही जप करू शकता.

(टीप : वरील सर्व बाबी एबीपी माझा केवळ माहिती म्हणून वाचक-प्रेक्षकांपर्यंत पोहोचवत आहे. यातून एबीपी माझा कोणताही दावा करत नाही.)

हेही वाचा: