Shravan 2025 : श्रावण महिन्यात किती सोमवार असतील? शिवामूठ का वाहिली जाते? वाचा ज्योतिषशास्त्र

Shravan 2025 : श्रावण महिन्यात श्रावणी सोमवारालाही विशेष महत्त्व आहे. त्यानुसार यंदा श्रावण महिन्यात किती सोमवर असतील?

Shravan 2025

Source : ABP Web Team

Shravan 2025 : हिंदू पंचांगानुसार, आजपासून श्रावण (Shravan) महिन्याला सुरुवात झाली आहे. भगवान शंकराला हा पवित्र महिना समर्पित आहे. या महिन्यात अनेक सण-समारंभ येतात. तसेच, श्रावण महिन्यात श्रावणी सोमवारालाही विशेष महत्त्व आहे. त्यानुसार यंदा श्रावण महिन्यात किती सोमवर असतील? शिवामूठ का वाहिली जाते? त्याचे महत्त्व काय? कधी कोणती शिवामूठ वाहायची?? या संदर्भात अधिक माहिती डॉ. भूषण ज्योतिर्विद यांनी दिली आहे. 

एकूण : चार सोमवार

दक्षिण भारत/महाराष्ट्र (अमांत पंचांग) :
श्रावण सुरू: 25 जुलै 2025
समाप्त: 23 ऑगस्ट 2025

सोमवार :

28 जुलै 2025
4 ऑगस्ट 2025
11 ऑगस्ट 2025
18 ऑगस्ट 2025

एकूण: चार सोमवार

शिवामूठ म्हणजे काय?

“शिवामूठ” हा एक पवित्र वनस्पतींचा संयोग असतो, जो श्रावण सोमवारी शंकराला अर्पण केला जातो. यात विविध प्रकारच्या पवित्र वनस्पती असतात जसे:

बिल्वपत्र
दुर्वा
आघाडा
दत्तुरेचे फूल
अपराजिता
कनेर
तुळस
भुईकवळा
नागरमोथा
कुश
तांदूळ
कुंकू-हळद

शिवामूठ ही वनस्पतींची मूठ बनवून शिवलिंगावर वाहिली जाते.

शिवामूठ का वाहतात? त्याचे महत्त्व काय?

प्रत्येक वनस्पतीचे एक विशिष्ट ऊर्जा तरंग आणि औषधी गुणधर्म असतात.
शिवतत्त्वाचे पूजन करताना या वनस्पतींच्या माध्यमातून नैसर्गिक सकारात्मक ऊर्जा निर्माण होते.
शिवामूठ वाहिल्याने दोष दूर होतात, आरोग्य लाभतो, कर्जमुक्ती होते, आणि शांती व समृद्धी मिळते.
विशेषतः कष्ट, कर्ज, ग्रहबाधा, शत्रुबाधा, व नकारात्मक ऊर्जा यांचा नाश होतो.

कधी कोणती शिवामूठ वाहायची?

प्रत्येक सोमवारी विशिष्ट कामासाठी शिवमूठ वाहायची असते

पहिला सोमवार

मानसिक शांती व इच्छा पूर्ती
बिल्वपत्र, तुळस, दुर्वा

दुसरा सोमवार

रोग निवारण व आरोग्यासाठी
भुईकवळा, कुश, नागरमोथा

तिसरा सोमवार

कर्जमुक्तीसाठी
आघाडा, दत्तुरे, कनेर

चौथा सोमवार

शत्रुनाश व समृद्धीसाठी
भांग, कुश, बिल्व

टीप : शिवामूठ वाहताना “ॐ नमः शिवाय” या मंत्राचा जप करत राहावा.

डॉ. भूषण ज्योतिर्विद