Shani Dev : शनीचा लवकरच होतोय राहू नक्षत्रात प्रवेश, 'या' राशींचं उजळेल भाग्य; नवीन नोकरीसह अपार धनलाभाचे योग

Shani Dev : राहूच्या नक्षत्र परिवर्तनाने काही राशीच्या लोकांवर याचा शुभ परिणाम होणार आहे. या राशीच्या लोकांचं नशीब उजळणार आहे.

Shani Dev

Source : ABP Web Team

Shani Dev : वैदिक ज्योतिष शास्त्रानुसार, ग्रह काळानुसार नक्षत्र आणि राशीनुसार परिवर्तन करतात. याचा प्रभाव सर्व मानवी जीवनावर होतो. शनी (Shani Dev) 3 ऑक्टोबर रोजी राहूच्या (Rahu) नक्षत्र शतभिषा नक्षत्रात प्रवेश करणार आहे. या नक्षत्रावर राहूचं अधिपत्य आहे. त्यामुळे ज्योतिष शास्त्रानुसार राहू आणि सी देव हे मैत्री भावमध्ये आहेत. 

राहूच्या नक्षत्र परिवर्तनाने काही राशीच्या लोकांवर याचा शुभ परिणाम होणार आहे. या राशीच्या लोकांचं नशीब उजळणार आहे. त्याचबरोबर करिअरमध्ये देखील चांगली प्रगती पाहायला मिळेल. या लकी राशी (Zodiac Signs) कोणत्या आहेत ते जाणून घेऊयात. 

मेष रास (Aries Horoscope)

मेष राशीच्या लोकांसाठी शनीचं नक्षत्र परिवर्तन फार लाभदायक सिद्ध होणार आहे. कारण शनी या राशीच्या 11 व्या चरणात आहे. त्यामुळे या दरम्यान तुम्हाला उत्पन्नाचे अनेक नवीन स्त्रोत निर्माण होतील. तसेच, कामाच्या ठिकाणी तुम्हाला नवीन प्रोजेक्टवर काम करण्याची संधी मिळेल. तुमच्या जीवनात अनेक सकारात्मक बदल घडतील. तुमचे रखडलेले पैसे तुम्हाला परत मिळतील. तसेच, तुम्ही ज्यामध्ये गुंतवणूक कराल त्यातून तुम्हाला आर्थिक लाभ मिळण्याची शक्यता आहे. 

सिंह रास (Leo Horoscope)

शनीचं नक्षत्र परिवर्तन सिंह राशीच्या लोकांसाठी फार अनुकूल सिद्ध होणार आहे. कारण शनीच्या परिवर्तनामुळे शश राजयोग निर्माण होणार आहे. यामुळे तुमच्या आर्थिक स्थितीत चांगलाच बदल निर्माण झालेला तुम्हाला दिसेल. तुमच्या साहस आणि पराक्रमात चांगली वाढ झालेली दिसेल. समाजात तुमचा मान-सन्मान अधिक वाढलेली दिसेल. तसेच, तुमच्या आयुष्यात प्रगतीचे अनेक मार्ग खुले होतील. 

मकर रास (Capricorn Horoscope)

मकर राशीच्या लोकांसाठी शनीचं नक्षत्र परिवर्तन फार लाभदायक ठरणार आहे. कारण या राशीचा स्वामी ग्रह शनी आहे. त्यामुळे वेळोवेळी तुमच्या आयुष्यात सकारात्मक बदल घडलेला दिसेल. तुम्हाला अचानक धनलाभ होण्याची शक्यता आहे. कामाच्या ठिकाणी तुम्हाला सहकाऱ्यांचा चांगला पाठिंबा मिळेल. तुमची आर्थिक स्थिती सुधारलेली दिसेल. 

(टीप : वरील सर्व बाबी एबीपी माझा केवळ माहिती म्हणून वाचक-प्रेक्षकांपर्यंत पोहोचवत आहे. यातून एबीपी माझा कोणताही दावा करत नाही.)

हेही वाचा: