Shani Dev : शनिच्या महादशेत 'या' राशींच्या लोकांना होतो सर्वाधिक त्रास; तब्बल 19 वर्ष भोगावी लागतात कर्माची फळं, तुमची रास कोणती?

Shani Dev : जेव्हा एखाद्या व्यक्तीच्या कुंडलीत शनिची महादशा सुरु असेल तर त्याचा प्रभाव दिर्घकाळासाठी व्यक्तीच्या जीवनावर होतो.

Shani Dev

Source : ABP WEB TEAM

Shani Dev : वैदिक ज्योतिष शास्त्रानुसार, प्रत्येक व्यक्तीवर नवग्रहांची महादशा येते. याचा प्रभाव व्यक्तीच्या जीवनासह त्याच्या करिअरवरही दिसून येतो. आज आपण अशाच शनिच्या (Shani Dev) महादशेच्या संदर्भात जाणून घेणार आहोत. ज्याचा प्रभाव तब्बल 19 वर्षांपर्यंत असतो. 

वैदिक ज्योतिष शास्त्रानुसार, शनिदेवाला ग्रहांचा कर्मफळदाता, न्यायदेवता मानतात. हा ग्रह मकर आणि कुंभ राशींचा स्वामी ग्रह आहे. जेव्हा एखाद्या व्यक्तीच्या कुंडलीत शनिची महादशा सुरु असेल तर त्याचा प्रभाव दिर्घकाळासाठी व्यक्तीच्या जीवनावर होतो. या काळात व्यक्तीला अनेक समस्यांचा सामना करावा लागतो. त्यामुळे या ठिकाणी आपण पाहणार आहोत की शनिच्या महादशेचा कोणत्या राशींवर शुभ आणि अशुभ परिणाम होणार आहे हे जाणून घेऊयात. 

शनिच्या महादशेत कोणत्या राशींना शुभ फळ मिळतं? 

ज्योतिष शास्त्रानुसार, मकर आणि कुंभ राशींचा स्वामी ग्रह शनिदेव आहे. त्यामुळे या राशींच्या लोकांसाठी शनिच्या महादशेचा शुभ परिणाम मिळतो. या काळात करिअरमध्ये चांगली प्रगती होते. आर्थिक स्थिती चांगली राहते. तसेच, जीवनात स्थिरता येते. शनिला शिस्तप्रिय आणि मेहनतीसुद्धा म्हणतात. त्यामुळे या काळात समाजात चांगली प्रतिष्ठा निर्माण होते. 

शनिच्या महादशेत व्यक्तीला चांगला लाभ मिळतो. समाजात मान-सन्मान मिळतो. तसेच, आत्मविश्वास वाढतो. या काळात तुम्हाला तुमच्या मेहनतीचं फळ देखील मिळतं. त्यामुळे या काळात चिंता करण्याची गरज नाही. 

शनिच्या महादशेत कोणत्या राशींना अशुभ फळ मिळतं? 

वैदिक ज्योतिष शास्त्रानुसार, मेष, कर्क आणि सिंह राशींच्या लोकांना शनिच्या महादशेत कठीण आव्हानांचा सामना करावा लागतो. शनि देव जर कुंडलीत नकारात्मक स्थितीत विराजमान असतील तर व्यक्तीला मानसिक तणाव, संघर्ष आणि आर्थिक चढ-उतारांचा सामना करावा लागतो. अनेक समस्या हाताळाव्या लागतात. तसेच, स्वत:ला सिद्ध करावं लागतं.  या काळात तुम्हाला पदोपदी सावधानतेचा इशारा देण्यात येतो. त्यामुळे कोणताही निर्णय घेताना 10 वेळा विचार करावा लागतो. तसेच, या कालावधीत कोणतीही जोखमीची कामे हातात घेऊ नयेत. 

(टीप : वरील सर्व बाबी एबीपी माझा केवळ माहिती म्हणून वाचक-प्रेक्षकांपर्यंत पोहोचवत आहे. यातून एबीपी माझा कोणताही दावा करत नाही.)  

हेही वाचा :