Sankasht Chaturthi 2024 : आज संकष्ट चतुर्थीला ‘असा’ करा लाडक्या बाप्पासाठी उपवास; जाणून घ्या तुमच्या शहरानुसार चंद्रोदयाची वेळ

Sankasht Chaturthi 2024 : संकष्टीच्या दिवशी चंद्राची पूजा करण्याचा विशेष विधी आहे, त्याशिवाय व्रत पूर्ण होत नाही. या वर्षी संकष्टी चतुर्थीला विविध योग जुळून आले आहेत.

Sankasht Chaturthi 2024

Source : ABP Web Team

Sankasht Chaturthi 2024 : हिंदू धर्मग्रंथानुसार, संकष्ट चतुर्थीचे (Sankashti Chaturthi) व्रत विशेष मानले जाते. प्रत्येक महिन्याच्या कृष्ण आणि शुक्ल पक्षातील चतुर्थी तिथीला संकष्टी चतुर्थीचा उपवास केला जातो. या शुभ दिवशी गणपतीची पूजा करतात. भक्त लाडक्या बाप्पासाठी उपवास करतात. त्यानुसार, आज संकष्ट चतुर्थी आहे. तसेच, आज संकष्ट चतुर्थीला चंद्रोदयाची शुभ वेळ काय असणार आहे ते जाणून घेऊयात.  

संकष्टीच्या दिवशी चंद्राची पूजा करण्याचा विशेष विधी आहे, त्याशिवाय व्रत पूर्ण होत नाही. या वर्षी संकष्टी चतुर्थीला विविध योग जुळून आले आहेत, त्यामुळे या दिवसाचे महत्त्व अधिकच वाढले आहे. संकष्टी चतुर्थी 2024 चे शुभ योग, शुभ मुहूर्त आणि चंद्रोदयाची वेळ जाणून घेऊया.

संकष्टी चतुर्थी 2024 तिथी, शुभ मुहूर्त

हिंदू पंचांगानुसार मार्गशीर्ष महिन्यातील कृष्ण पक्षातील संकष्टी चतुर्थी तिथी बुधवारी 18 डिसेंबर रोजी सकाळी 10 वाजून 6 मिनिटांनी सुरु होईल आणि गुरुवार 19 डिसेंबर रोजी सकाळी 10 वाजून 2 मिनिटांनी संपेल. निशा कालावधीत होणाऱ्या पूजेमुळे संकष्टी चतुर्थीचे व्रत 18 डिसेंबरला केले जाईल.

संकष्टी चतुर्थी 2024 चंद्रोदय वेळ

संकष्टी चतुर्थीची वेळ ही प्रत्येक शहरानुसार वेगळी असते. त्यानुसार मुंबईत चंद्रोदयाची वेळ रात्री 09 वाजून 03 मिनिटांनी असणार आहे. या वेळेत तुम्हाला चंद्राचं दर्शन घेता येईल. या वेळेस चंद्राची पूजा करावी. संकष्ट चतुर्थीला चंद्राशिवाय पूजेशिवाय व्रत अपूर्ण मानलं जातं. त्यामुळे चंद्राची पूजा केल्यानंतरच व्रत सोडावं. 

तुमच्या शहरातील चंद्रोदयाची वेळ जाणून घ्या

मुंबई - 09.03
बीड - 08.50
ठाणे - 09.02
सांगली - 08.59
पुणे - 08. 59
सावंतवाडी - 09.04
रत्नागिरी - 09.04
सोलापूर - 08.52
कोल्हापूर - 09.01
नागपूर - 08.32
सातारा  - 09.00
अमरावती - 08.38
 नाशिक - 08.57
अकोला - 08.42
अहमदनगर -08.54
औरंगाबाद - 08.50
पणजी - 09.05
भुसावळ- 08.46
धुळे - 08.51
परभणी - 08.46
जळगाव - 08.47
नांदेड-08.43
वर्धा - 08.35
उस्मानाबाद - 08.51
यवतमाळ- 08.38
भंडारा - 08.30
चंद्रपूर - 08.34
बुलढाणा - 08.46
इंदौर- 08.26
ग्वाल्हेर - 07.54
बेळगाव - 09.02
मालवण- 09.06

संकष्टी चतुर्थीची पूजेची पद्धत

• संकष्टी चतुर्थीच्या दिवशी सर्वात आधी पहाटे उठून अभ्यंगस्नान करावं. आणि स्वच्छ कपडे परिधान करावेत. 
• त्यानंतर विधीनुसार गणेशाची पूजा करावी. 
• गणपतीची मूर्ती फुलांनी सजवावी. 
• बाप्पाला चंदनाचा टिळा लावून फुले अर्पण करावीत. 
• त्यानंतर भगवान गणेशाचा आवडता पदार्थ मोदक नैवेद्य म्हणून अर्पण करा. 
• श्री गणेशाच्या मंत्राचा जप करा. 
• उपवास करत असाल तर अन्नाचे सेवन अजिबात करू नका. 
• संध्याकाळी चंद्रोदयापूर्वी गणेशाची पूजा करून संकष्टी व्रत कथा वाचावी.
• रात्री चंद्र पाहून उपवास सोडावा.

(टीप : वरील सर्व बाबी एबीपी माझा केवळ माहिती म्हणून वाचक-प्रेक्षकांपर्यंत पोहोचवत आहे. यातून एबीपी माझा कोणताही दावा करत नाही.) 

हेही वाचा :