Rahu Ketu Transit 2025: सावधान! होळीनंतर राहू केतूचा कहर, 'या' 2 राशींच्या लोकांचं मोठं नुकसान होणार? नोकरीत अडचण उद्भवणार?

Rahu Ketu Transit 2025: ज्योतिषांच्या मते, राहू आणि केतूच्या नक्षत्र बदलामुळे दोन राशीच्या लोकांच्या जीवनात समस्या येऊ शकतात. या राशींना याचा फटका सहन करावा लागू शकतो,

Rahu Ketu Transit 2025 astrology marathi news Rahu Ketu transit will break on these 2 zodiac signs

Source : google

Rahu Ketu Transit 2025: ज्योतिषशास्त्राच्या दृष्टीकोनातून 2025 हे वर्ष अत्यंत महत्त्वाचे आहे. या वर्षात अनेक राशींना ग्रह ताऱ्यांच्या हालचालींचे विविध परिणाम पाहायला मिळतात, ज्योतिषशास्त्रानुसार, तसं पाहायला गेलं तर सर्व ग्रह विशिष्ट वेळेनंतर राशी आणि नक्षत्र बदलतात. सर्व राशींवर याचा मोठा प्रभाव पडतो. काहींना शुभ फळ मिळते तर काहींना अशुभ फळ मिळते. मात्र आता होळीनंतर पापी ग्रह ज्यांना म्हटले जाते, असे राहू-केतू आपली स्थिती बदलणार आहेत. ज्याचा दोन राशीच्या लोकांच्या जीवनात अनेक समस्या निर्माण होऊ शकतात. जाणून घेऊया कोणत्या त्या राशी आहेत?

राहू-केतू नक्षत्र बदलाचा दोन राशींना फटका

ज्योतिषशास्त्रानुसार होळीनंतर 16 मार्चला राहू आणि केतू हे पापी ग्रह नक्षत्र बदलतील. काही राशींवर त्याचा सकारात्मक प्रभाव पडेल आणि इतरांवर नकारात्मक प्रभाव पडेल. ज्योतिषांच्या मते, राहू आणि केतूच्या नक्षत्र बदलामुळे दोन राशीच्या लोकांच्या जीवनात समस्या घेऊन येऊ शकतो. दोन राशींना याचा फटका सहन करावा लागू शकतो, या राशीच्या लोकांना पैसा आणि आरोग्याशी संबंधित समस्यांना सामोरे जावे लागू शकते. जाणून घेऊया कोणत्या आहेत ती राशी?

राहू-केतूचे नक्षत्र कधी बदलेल?

पंचांगानुसार, सध्या राहू 12 जानेवारी 2025 पासून उत्तरा भाद्रपदाच्या पहिल्या भावात प्रवेश करत आहे आणि 14 मार्च, 2025 च्या होळीनंतर, 16 मार्च रोजी संध्याकाळी 6.50 वाजता पूर्वा भाद्रपद चौथ्या भावात राहूचे संक्रमण होईल. यावेळी केतू उत्तरा फाल्गुनी नक्षत्राच्या द्वितीय स्थानात प्रवेश करेल.

कन्या

ज्योतिषशास्त्रानुसार, राहू आणि केतूच्या नक्षत्रातील बदलाचा कन्या राशीच्या लोकांवर मोठा प्रभाव पडू शकतो. यावेळी कन्या राशीच्या लोकांना काम आणि नोकरीत अडचणींचा सामना करावा लागू शकतो. यावेळी कन्या राशीच्या लोकांची काही अनिष्ट ठिकाणी बदली होऊ शकते. याशिवाय पदोन्नती आणि वेतनवाढीमध्ये अडथळे येऊ शकतात. राहू केतू नक्षत्राच्या स्थितीत बदल झाल्यामुळे कन्या राशीच्या लोकांची आर्थिक स्थिती बिघडू शकते आणि मानसिक अस्वस्थता देखील येऊ शकते.

मीन

ज्योतिषशास्त्रानुसार, बृहस्पतिच्या राशीच्या मीन राशीच्या लोकांचे जीवन देखील राहू आणि केतूच्या नक्षत्रांमध्ये बदलामुळे प्रभावित होऊ शकते. यावेळी मीन राशीच्या लोकांनी आर्थिक व्यवहार टाळावेत. व्यवसायात कमी फायदा होईल, कामाच्या ठिकाणी कोणाशी मतभेद होऊ शकतात. यावेळी मीन राशीच्या लोकांनी प्रवास करताना आणि वाहन चालवताना सावधगिरी बाळगावी अन्यथा ते अपघाताला बळी पडू शकतात.

हेही वाचा>>>

(टीप : वरील सर्व गोष्टी माहिती म्हणून वाचकांपर्यंत पोहोचवत आहोत. एबीपी माझा यातून कोणताही दावा करत नाही. )