![ABP Premium](https://cdn.abplive.com/imagebank/Premium-ad-Icon.png)
Numerology : कोणाच्या अध्यात ना मध्यात, एकलकोंड्या स्वभावाचे असतात 'या' जन्मतारखेचे लोक; शनीदेवाची यांच्यावर सदैव असते कृपा
Numerology Of Moolank 8 : अंकशास्त्रात प्रत्येक मूळ संख्येला विशेष महत्त्व आहे. कारण या मूलांकावरून व्यक्तीचा स्वभाव, त्याच्या सवयी ओळखता येतात.
![Numerology : कोणाच्या अध्यात ना मध्यात, एकलकोंड्या स्वभावाचे असतात 'या' जन्मतारखेचे लोक; शनीदेवाची यांच्यावर सदैव असते कृपा numerology ank jyotish number of these birth date people are like to live alone and peacefully marathi news Numerology : कोणाच्या अध्यात ना मध्यात, एकलकोंड्या स्वभावाचे असतात 'या' जन्मतारखेचे लोक; शनीदेवाची यांच्यावर सदैव असते कृपा](https://feeds.abplive.com/onecms/images/uploaded-images/2024/04/28/365c08108a350204b03a986f7fe6edb71714284065874358_original.jpeg?impolicy=abp_cdn&imwidth=1200&height=675)
Numerology Of Moolank 8 : अंकशास्त्रात (Numerology) प्रत्येक मूळ संख्येला विशेष महत्त्व आहे. कारण या मूलांकावरून (Moolank) व्यक्तीचा स्वभाव, त्याच्या सवयी ओळखता येतात. यामध्ये मूलांक क्रमांक 8 असलेल्या लोकांना खूप खास मानले जाते. कारण अंक 8 हा शनीचा अंक देखील मानला जातो. ज्या लोकांचा जन्म कोणत्याही महिन्याच्या 8, 17 किंवा 26 तारखेला होतो त्यांचा रेडिक्स क्रमांक 8 असतो. 8 क्रमांक असलेल्या लोकांचा स्वभाव, त्यांचं व्यक्तिमत्त्व आणि त्यांच्या सवयी नेमक्या कशा असतात या संदर्भात अधिक माहिती जाणून घेऊयात.
मूलांक 8 असलेले लोक अंतर्मुख स्वभावाचे असतात.
8 वा क्रमांक असलेले लोक स्वभावाने खूप अंतर्मुख असतात. या लोकांना संसाराच्या गजबजाटापासून दूर एकांतात राहायला आवडते. या लोकांना प्रेमापेक्षा शांतता जास्त आवडते. या रॅडिक्स नंबरचे बहुतेक लोक त्यांचे आयुष्य एकाकीपणात घालवतात.
कामासाठी समर्पित असतात
मूलांक क्रमांक 8 असलेले लोक त्यांच्या ध्येय आणि कार्यासाठी पूर्णपणे समर्पित असतात. हे लोक मेहनत, कष्ट करण्याला कधीच घाबरत नाहीत. यामुळेच शनीदेव या लोकांवर नेहमी प्रसन्न राहतात आणि त्यांच्या मेहनतीचे पूर्ण फळ देतात. हे लोक आव्हानांना धैर्याने सामोरे जातात आणि त्यांनी ठरवलेलं ध्येय साध्य करून राहतात.
नेहमी हक्काचे समर्थन करा
शनीच्या कृपेने, मूलांक 8 असलेले लोक देखील त्यांच्यासारखेच असतात आणि नेहमी उजव्या बाजूचे समर्थन करतात. या लोकांना एकटं राहायला फार आवडतं. चारचौघांत यांना मिसळायला आवडत नाही. थोडक्यात यांना कोणावरही अवलंबून राहायला आवडत नाही. या मूलांकाच्या लोकांकडे तीव्र महत्त्वाकांक्षा असते. तसेच, आयुष्यात मोठं यश संपादन करण्याकडे यांचा कल जास्त असतो. त्यांच्याकडे जन्मजात नेतृत्व क्षमता आहे.
जबाबदारी घेण्यास घाबरत नाहीत
या रॅडिक्स नंबरचे लोक जबाबदारी घेण्यास कधीही घाबरत नाहीत. हे लोक दृढनिश्चयी आणि शिस्तप्रिय असतात. ते कोणतेही काम करतात ते पूर्ण झोकून आणि मेहनतीने करतात. हे लोक त्यांच्या वेळेचा पुरेपूर वापर करतात. या रॅडिक्स नंबरचे लोक एकदा का काही साध्य करायचे ठरवले की ते साध्य करूनच राहतात. त्याशिवाय यांना चैन पडत नाही.
(टीप : वरील सर्व बाबी एबीपी माझा केवळ माहिती म्हणून वाचक-प्रेक्षकांपर्यंत पोहोचवत आहे. यातून एबीपी माझा कोणताही दावा करत नाही.)
हेही वाचा:
Trigrahi Yog 2024 : 1 मे रोजी होणार ग्रहांचं मिलन! सूर्य, शुक्र आणि गुरुच्या संयोगामुळे त्रिग्रही योग; 'या' राशीच्या लोकांचं नशीब पालटणार
महत्त्वाच्या बातम्या
ट्रेंडिंग न्यूज
![ABP Premium](https://cdn.abplive.com/imagebank/metaverse-mid.png)
![उमेश अलोणे, एबीपी माझा](https://feeds.abplive.com/onecms/images/author/edf3be0fff591493dbcd992552913783.jpeg?impolicy=abp_cdn&imwidth=70)