Nag Panchami 2022 : आज नागपंचमी, जाणून घ्या शुभ मुहूर्त, महत्व आणि या दिवशी काय करावे, काय करू नये?

Nag Panchami 2022 : आजच्या नागपंचमीचा शुभ मुहूर्त काय आहे? नागाची पूजा करण्याची योग्य पद्धत कोणती याविषयी जाणून घ्या. 

Nag Panchami 2022 :

Nag Panchami 2022 : श्रावण (Shravan 2022) महिना सुरू झाला आहे. हिंदू धर्मात नागपंचमीला विशेष महत्त्व आहे. (Nag Panchami 2022) आज नागपंचमी असून या दिवशी घरोघरी प्रतिकात्मक नागाची पूजा करून नागदेवतेला प्रसन्न केले जाते. आजच्या नागपंचमीचा शुभ मुहूर्त काय आहे? नागाची पूजा करण्याची योग्य पद्धत कोणती याविषयी जाणून घ्या. 

नागपंचमी 2022 शुभ मुहूर्त 
नागपंचमीची पंचमी तिथी ही 2 ऑगस्ट रोजी पहाटे 05:13 वाजेपासून सुरू होणार आहे. नागपंचमी तिथी समाप्ती 3 ऑगस्ट रोजी सकाळी 05:41 वाजेपर्यंत असणार आहे. या अगोदर नागदेवतेची पूजा करण्यात यावी. सकाळी 06:05 वाजेपासून ते सकाळी 08:41 वाजेपर्यंत नाग पंचमीच्या पूजेची मुहूर्त आहे. या वर्षी नागपंचमीला दोन विशेष योगही तयार होत आहेत. 2 ऑगस्टला शिव आणि सिद्धी योगात नागपंचमी साजरी होणार आहे. या योगांमध्ये नागांची पूजा केल्याने दुहेरी फळ मिळते.

भिंतीवर नागाचा आकार करून पूजा

नागपंचमीच्या दिवशी काल सर्प दोष पूजेसोबत राहू दोषाचीही पूजा करता येते. पंचमीला दिवसभर उपवास करून संध्याकाळी भोजन करावे. नागपंचमीच्या दिवशी लोक भिंतीवर नागाचा आकार करून पूजा करतात. त्यानंतर नागदेवतेला आवाहन करावे. त्यांना हळद, लाह्या, तांदूळ घालून तिलक लावावा. फुले अर्पण करावी. उदबत्ती करावी. कच्च्या दुधात साखर मिसळून नागदेवतेला पूजा करावी. त्यानंतर नागदेवतेची आरती करावी. 

नागपंचमीचे महत्त्व 

नागपंचमीच्या दिवशी अनंत, वासुकी, पद्म, महापद्म, तक्षक, कुलीर, कर्कट, शंख, कालिया आणि पिंगल या देवतांची पूजा केली जाते. जे लोक या दिवशी भगवान शंकराची, नागाची पूजा करतात आणि रुद्राभिषेक करतात त्यांच्या जीवनातील सर्व संकटे संपतात. तसेच जर कुंडलीत राहु आणि केतू पासून काही दोष असेल तर या दिवशी नागांची पूजा केल्याने राहु आणि केतू ग्रहांचे अशुभ परिणाम देखील दूर होतात.

नागपंचमीच्या दिवशी हे काम करा
नागपंचमीच्या दिवशी उपवास केल्याने काल सर्प दोष दूर होतो. शक्य असल्यास या दिवशी व्रत ठेवावे.
या दिवशी नाग देवतेची पूजा करून त्याला दूध, मिठाई आणि फुले अर्पण करा.
नागपंचमीच्या दिवशी पूजेच्या वेळी नागपंचमी मंत्राचा जप करावा.
ज्यांच्या कुंडलीत राहू-केतू भारी आहे. या दिवशी नागदेवतेची पूजा करतात. असे केल्याने कुंडलीतील अडचणी दूर होऊ शकतात.
या दिवशी शिवलिंग किंवा नागदेवाला पितळेच्या भांड्यातून दूध अर्पण करावे हे लक्षात ठेवा. पाणी अर्पण करण्यासाठी तांब्याचे भांडे वापरावे.

नागपंचमीच्या दिवशी हे काम करू नका
नागपंचमीच्या दिवशी चुकूनही शेतीची कामे करू नका. सावन महिन्यात शेतात अनेकदा साप बाहेर पडतात आणि कामाच्या वेळी सापांना दुखापत होऊ शकते आणि साप मारल्याचा दोष तुमच्यावर येऊ शकतो.
नागपंचमीच्या दिवशी तीक्ष्ण आणि टोकदार वस्तूंचा वापर टाळा.
या दिवशी लोखंडी कढईचा वापर करू नका किंवा लोखंडी भांड्यात अन्न शिजवू नका.
नागपंचमीच्या दिवशी मांस, मद्य किंवा सूडबुद्धीच्या अन्नापासून अंतर ठेवा. भगवान शिवाच्या मंत्रांचा जप करा.

(टीप : वरील सर्व बाबी एबीपी माझा केवळ माहिती म्हणून वाचक-प्रेक्षकांपर्यंत पोहोचवत आहे. यातून एबीपी माझा कोणताही दावा करत नाही. यासाठी संबंधित तज्ज्ञाचा सल्ला घ्यावा.) 

महत्वाच्या बातम्या :