Mahashivratri 2024 : 8 की 9 मार्च यंदा किती तारखेला साजरी होणार महाशिवरात्री? मुहूर्त आणि पूजा विधी

Mahashivratri 2024: महाशिवरात्रीच्या दिवशी विधीवत पूजा करतात त्यांच्या आयुष्यातील सर्व विघ्न दूर होतात. त्या भक्तांच्या सर्व मनोकामना पूर्ण होतात. यंदा महाशिवरात्री 8 किंवा 9 कधी आहे? शिवरात्रीच्या पुजेचा मुहूर्त काय आहे?  हे जाणून घेऊया

Mahashivratri 2024 (Image Source - Getty)

Mahashivratri 2024:  माता पार्वती आणि भगवान शंकराचा विवाह झाला होता. य दिवसाला महाशिवरात्री (Mahashivratri 2024) असे ओळखले जाते. याच दिवशी भगवान शंकर आणि माता पार्वती एकत्र भ्रमणाला निघाले होते.  महाशिवरात्रीचे व्रत करणाऱ्यांवर भगवान शंकराची कृपा कायम असते. या दिवशी शिवलिंगामध्ये भगवान शंकराचा वास असतो. जे लोक महाशिवरात्रीच्या दिवशी विधीवत पूजा करतात त्यांच्या आयुष्यातील सर्व विघ्न दूर होतात. त्या भक्तांच्या सर्व मनोकामना पूर्ण होतात. यंदा महाशिवरात्री 8 किंवा 9 कधी आहे? शिवरात्रीच्या पुजेचा मुहूर्त काय आहे?  हे जाणून घेऊया

महाशिवरात्री 8 की 9 मार्च कधी आहे?

पंचागानुसार 8 मार्चला 2024  रोजी रात्री 9 वाजून 57 मिनिटानी सुरू होणार असून 9 मार्च 2024 सायंकाळी 6 वाजून 17 समाप्त होणार आहे. 

महाशिवरात्री का साजरी केली जाते?

दंतकथेनुसार समुद्र मंथनातून निघालेले हलाहल याच दिवशी शंकरांनी प्राशन केले होते आणि जगाला विनाशापासून वाचवले आणि हेच ऋण फेडण्याचा दिवस म्हणजेच महाशिवरात्री होय. तर काही कथेनुसार या दिवशी शिव आणि पार्वतीच विवाह झाला होता. तसेच काही दंतकथेनुसार भगवान शंकराने या दिवशी तांडव नृत्य केले होते आणि महादेवांना शांत करण्यासाठी आणि भूलोकाचा विनाश टाळण्यासाठी लोकांनी प्रार्थना केली होती.

शुभ मुहूर्त जाणून घ्या

 8 मार्च रोजी सकाळी 9.57 पासून   सुरू होईल आणि 9 मार्च रोजी संध्याकाळी 6.17  पर्यंत चालेल. उदयतिथीनुसार 8 मार्चला महाशिवरात्री साजरी होणार आहे. यामध्ये 8 आणि 9 मार्चच्या मध्यरात्री 12.07 ते 12.55  मिनिटांपर्यंत निशीथ काल पूजा मुहूर्त असेल. दुसरीकडे, महाशिवरात्री व्रताचा पारण मुहूर्त सकाळी  6.38 ते  सकाळी 11.04  पर्यंत असेल.

महाशिवरात्री पुजेचा मुहूर्त

• महाशिवरात्रीचा सकाळी पुजेचा मुहूर्त  - सकाळी 6.38 ते सकाळी 11.04
• निशिथ काल मुहूर्त -  मध्यरात्री 12.07 ते 12.55  मिनिटापर्यंत (9 मार्च)
• सायंकाळच्या पुजेचा मुहूर्त - सायंकाळी 6.25 ते रात्री 9.28
• रात्रीच्या  पुजेचा मुहूर्त-  रात्री 9.28 ते मध्यरात्री 12.31
• मध्यरात्रीच्या पुजेचा मुहूर्त - मध्यरात्री 12.31 ते 3.34 पर्यंत
• पहाटेच्या पुजेचा मुहूर्त - पहाटे 3.34 ते सकाळी 6.37 

(टीप : वरील सर्व बाबी एबीपी माझा केवळ माहिती म्हणून वाचक-प्रेक्षकांपर्यंत पोहोचवत आहे. यातून एबीपी माझा कोणताही दावा करत नाही.) 

हे ही वाचा :