(Source: ECI | ABP NEWS)
मेष, कन्या, कुंभ अन् वृषभ राशीच्या लोकांचा आजचा दिवस तणावाचा; कसं असेल 12 राशींचं आजचं राशीभविष्य?
Horoscope Today, Daily Horoscope: राशीभविष्याच्या दृष्टिकोनातून, 06 जून 2023, मंगळवार काहींसाठी खूप खास असेल, जाणून घ्या तुमचं आजचं राशीभविष्य...
Horoscope Today, Daily Horoscope, Rashibhavishya, 06th June 2023: आज 6 जून 2023... मंगळवार राशीभविष्यानुसार अत्यंत महत्त्वाचा दिवस. आज मेष राशीच्या लोकांच्या आयुष्यात परदेशवारीचा योग आहे. तसेच, वृषभ राशीच्या लोकांच्या आयुष्यात आज आर्थिक धनलाभ होण्याचा योग आहे. जाणुन घेऊयात, मेष ते मीन राशीच्या लोकांसाठी आजचा दिवस कसा राहिल?
मेष (Aries)
मेष राशीच्या लोकांसाठी आजचा दिवस संमिश्र असेल. विद्यार्थी असाल तर मन लावून अभ्यास करा. काही मित्र तुमचं लक्ष विचलित करण्याचा वारंवार प्रयत्न करतील. पण त्याकडे दुर्लक्ष करुन अभ्यासावर लक्ष केंद्रीय कराल. घरापासून लांब राहत असाल तर आज कुटुंबाची खूप आठवण येईल. वेळ काढून कुटुंबाच्या भेटीसाठी जा, अगदीच शक्य नाही झालं तर फोन करुन सर्वांशी मनमोकळेपणानं गप्पा मारा.
कुटुंबासोबत बाहरे फिरायला जाण्याचा योग येईल. तसेच, समाजकार्य करण्याची संधी मिळेल. आज ऑफिसमध्ये तुमच्यावर मोठी जबाबदारी सोपवली जाईल. ही जबाबदारी वेळत पूर्ण करा. त्यामुळे वरिष्ठांचा विश्वास जिंकाल. वरिष्ठांकडून वढतीची बातमीही मिळू शकते. नोकरीच्या शोधात असाल तर चांगली नोकरीची संधी मिळेल.
वैवाहिक जीवनात येणाऱ्या अडचणी दूर करण्यासाठी सातत्यानं प्रयत्न करा. त्यामुळे तुमच्या नात्यातील दुरावा नक्कीच दूर होईल. उच्च शिक्षणासाठी बाहेरगावी जाण्याचा विचार करत असाल, तर चांगला योग आहे. फक्त काळजीपूर्वक निर्णय घ्या. तुमच्या जोडीदाराने केलेल्या प्रगतीमुळे तुम्ही खूप आनंदी व्हाल. आज तुमच्या मनातील कोणतीही इच्छा पूर्ण होईल.
वृषभ राशी (Tauras)
जर तुमची रास वृषभ असेल, तर आजचा दिवस तुमच्यासाठी चांगला असणार आहे. व्यवसाय करत असाल तर व्यवसाय वाढवण्यासाठी प्रयत्न कराल. तुमच्या प्रयत्नांना नक्कीच यश मिळेल. व्यवसाय वाढवण्यासाठी आर्थिक जुळवाजुळव करत असाल तर एकदा वडिलांकडे शब्द टाकून पाहा. वडिल आर्थिक सहाय्य नक्कीच करतील. यामुळे व्यवसायात मोठा फायदा होईल.
आजचा दिवस काहीसा ताणतणावाचा असेल. आज नोकरीच्या ठिकाणी खूप कामं अंगावर पडतील. हा पण कामं करताना काही अडचणी आल्या तर इतरांचा सल्ला घ्या. दुसऱ्यांच्या कामात ढवळाढवळ अजिबात करु नका. व्यवसाय असेल तर मित्राच्या मदतीनं व्यवसायात मोठा फायदा होईल.
तुम्ही तुमच्या जोडीदारासोबत कुठेतरी बाहेर जाण्याचा बेत कराल. मुलांना वेळही द्या. त्यांना अभ्यासात मदत करा. घरातून बाहेर पडताना ज्येष्ठांचे आशीर्वाद घ्या. उच्च शिक्षणासाठी परदेशात जाण्याचा विचार करत असाल तर काळजीपूर्वक निर्णय घ्या. प्रकृतीच्या कुरबुरी सतावतील, वेळीतच डॉक्टरांचा सल्ला घ्या.
मिथुन (Gemini)
मिथुन राशीच्या लोकांचा आजचा दिवस अत्यंत खास असेल. आज तुम्ही उत्साही आणि आनंदी राहाल. कौटुंबिक जीवनात सुख-शांती नांदेल. कुटुंबातील सर्वजण काहीतरी कामानिमित्त एकत्र याल. कौटुंबिक कार्यक्रमांना हजेरी लावाल. व्यावसाय असेल तर आर्थिक भरभराट नक्कीच होईल. मित्रांची साथही मिळेल. अशातच काही व्यक्तींची अचानक भेट होईल. त्यांच्याशी तुम्ही भविष्यातील योजनांबद्दल चर्चा कराल आणि पैसे कसे वाचवायचे ते देखील आत्मसाद कराल.
तुमच्या नम्र स्वभावाचं कौतुक होईल. व्यवसाय करणाऱ्या लोकांना व्यवसायाशी संबंधित परदेशात प्रवास करण्याचा योग येईल. प्रवासादरम्यान नवीन लोकांशी संपर्क होईल. आज तुम्हाला तुमच्या ओळखीच्या व्यक्तीच्या मदतीनं नवीन ओळखी होतील. ज्यामुळे तुमचा नफा होऊ शकेल. आज तुम्ही तुमच्या मित्राच्या घरी मेजवानीसाठीही जाल, तिथे इतर मित्रांच्याही भेटीगाठी होतील.
तुम्ही तुमच्या जीवनसाथीसह काही क्षण घालवाल. नात्याला वेळ द्याल. एखादं नवं काम सुरू करण्याचा विचार करत असाल तर, त्यामुळे उत्पन्न वाढू शकतं. नोकरीत बढतीची संधी मिळेल. तुमचं आरोग्य चांगलं राहील. मुलांचं पूर्ण सहकार्य मिळेल. तुमचा काही वेळ धार्मिक कार्यक्रमातही घालवाल. भावंडांसोबत कुठेतरी जाण्याचाही बेत होईल. विद्यार्थ्यांना नवीन प्रोजेक्टवर काम करण्याची संधीही मिळेल. तुम्हाला शिक्षकांचंही पूर्ण सहकार्य मिळेल.
कर्क (Cancer)
कर्क राशीच्या लोकांबद्दल बोलायचं झालं तर आजचा दिवस तुमच्यासाठी नक्कीच फलदायी असणार आहे. कुटुंबातील ज्येष्ठ सदस्यांकडून काही महत्त्वाच्या जबाबदाऱ्या तुमच्यावर सोपवण्यात येतील, ज्या तुम्ही निश्चितपणे पार पाडाल. एखाद्या जुन्या मित्राच्या घरी मेजवानीसाठी बोलावणं येईल, तिथे जाणं अजिबात टाळू नका, कारण तिथे तुमच्या सर्व जुन्या मित्रमंडळींशी भेटीगाठी होतील. आज तुमची एखाद्या खास व्यक्तीसोबत भेट होईल. जी व्यक्ती तुमचे खूप दिवसांपासून रखडलेले पैसे मिळवण्यात खूप मदत करेल. तुमच्या जोडीदारानं केलेल्या प्रगतीमुळे तुम्ही खूप आनंदी दिसाल. घरी पूजा किंवा एखाद्या शुभकार्याचं आयोजन करणं अत्यंत शुभ ठरेल. आजच्या दिवसात तुम्हाला पालकांचा सहवास आणि सहकार्य मिळेल.
तुमच्या जवळच्या काही लोकांना आज महत्त्वाचे निर्णय घेण्यास भाग पाडलं जाईल, ज्यामुळे तुम्ही तणावात आणि चिंतेत असाल. आर्थिक लाभ होण्याचाही योग आज तुमच्या राशीत आहे. आर्थिक फायदा झाल्यामुळे घरातील आवश्यक वस्तूंची खरेदी कराल. आजचा दिवस तुमच्यासाठी उत्साही असेल. तुमच्या जोडीदारासोबत काही आनंदाचे क्षण तुम्हाला घालवता येतील.
आज काही धार्मिक ग्रथांची खरेदी करणं तुमच्यासाठी फायदेशीर ठरेल. त्यामुळे तुमच्या मनातील तणाव दूर होऊन तुम्हाला शांती मिळेल. घरात तुमचं लग्न जमवण्याची लगबग सुरू असेल, तर आज तुम्हाला नक्कीच आनंदाची बातमी मिळेल. विद्यार्थ्यांनी अभ्यासात लक्ष देऊन अधिकाधिक वेळ अभ्यासाला देण्याचा प्रयत्न करावा.
सिंह (Leo)
सिंह राशीच्या लोकांचा आजचा दिवस उत्तम असणार आहे. जे लोक व्यवसाय करत आहेत, ते व्यवसाय पुढे नेण्यासाठी रखडलेले प्लान पुन्हा सुरू करू शकतील. व्यवसायामुळे परदेशात जाण्याचा योग आहे. प्रवासादरम्यान नव्या ओळखीही होतील, त्या व्यावसाय वाढवण्यासाठी अत्यंत उपयोग पडली. बेरोजगारांसाठी उत्तम रोजगाराची संधी निर्माण होऊ शकते.
वडिलोपार्जित संपत्तीतून आर्थिक लाभ मिळण्याची शक्यता आहे. आपल्या जीवनाचा आणि आरोग्याचा आदर करा. पैसे गुंतवण्याचा विचार करत असाल तर काळजीपूर्वक गुंतवणूक करा. कुटुंबातील वातावरण आनंदी राहिल. कुटुंबासोबत वेळ घालवण्याची संधी मिळेल. आरोग्याच्या कुरबुरी सतावतील. काळजी घ्या, बरं वाटत नसेल, तर तात्काळ डॉक्टरांचा सल्ला घ्या. आज ऑफिसमध्ये मात्र तुम्हाला जपून राहावं लागेल. कोणीतरी तुमची प्रतिमा खराब करण्याचा प्रयत्न करू शकते म्हणून सावध रहा. तुमच्या कामात लक्ष द्या आणि काम व्यवस्थित पूर्ण करा. वरिष्ठांचा विश्वास संपादन करण्याचा प्रयत्न करा.
कन्या (Virgo)
आज कन्या राशीच्या लोकांचा दिवस संमिश्र असेल. आज तुम्हाला तुमच्या मित्रांचे पूर्ण सहकार्य मिळेल. व्यवसाय करणारे लोक व्यवसायाला पुढे नेण्यात यशस्वी होतील. समाजाचं भलं करण्याची संधी मिळेल. घरगुती जीवनात सुख शांती राहील. सर्व लोक एकत्र काम करताना दिसतील. घरामध्ये शुभ कार्यक्रमाचे आयोजन केले जाईल. आज कामाच्या ठिकाणी तुमची सर्व कामं वेळेवर पूर्ण करा. वरिष्ठांकडून शुभवार्ता ऐकायला मिळतील. खर्चात अनपेक्षित वाढ झाल्यानं तुमचा ताण काहीसा वाढेल.
नोकरीत बढतीची संधी मिळेल. आज तुम्हाला नव्या नोकरीची संधी देखील मिळू शकते, परंतु आहे त्या ठिकाणीच राहणं उचित ठरेल. तुमचं उत्पन्न चांगले राहील. परिसरात होणार्या भजन आणि कीर्तनात तुम्ही तुमच्या कुटुंबासह सहभागी व्हाल. आज तुम्हाला विशेष संधी मिळेल ज्यामुळे उत्पन्न वाढू शकतं. संधी सोडू नका, संधीचं सोनं करा.
तूळ (Libra)
जर तुमची रास तूळ असेल तर तुम्ही आज निश्चिंत राहा. तुमचा आजचा दिवस आनंदाचा आणि समाधानाचा असणार आहे. नोकरदारांबद्दल बोलायचं झालं तर आज तुमच्या नोकरीत तुम्हाला बढतीची संधी मिळेल. जर तुम्ही सरकारी कर्मचारी असाल तर मात्र आज तुम्हाला थोडंसं जपून वागावं लागेल. तुम्हाला वरिष्ठ अधिकाऱ्याचा रोष सहन करावा लागू शकतो. वैवाहिक जीवनात सुख-शांती राहील. व्यावसाय करत असाल तर आज मित्रांनी दिलेला सल्ला अजिबात धुडकावून लावू नका. आज तुमच्या मित्राच्या एका सल्लानं तुम्हाला मोठा आर्थिक लाभ होऊ शकतो. तुमच्या कामाच्या ठिकाणाहून तुम्हाला तुमच्या कामाची पोचपावती म्हणून परदेशात जाण्याची संधी मिळू शकते.
प्रियकर किंवा प्रेयसीला लग्नासाठी विचारण्यासंदर्भात मनात घालमेल सुरू असेल तर आजच विचारुन टाका. तुम्हाला होकार नक्कीच मिळेल. एखाद्या कामाबाबत नुसतं नियोजन करून आपला मौल्यवान वेळ वाया घालवू नका, तर त्या दिशेनं एक पाऊल टाका आणि त्याची अंमलबजावणी सुरू करा. नोकरीच्या शोधात असाल तर उत्तम संधी तुमच्याकडे चालून येईल. तुम्ही तुमच्या कुटुंबातील सदस्यांसह एखाद्या ओळखीच्या ठिकाणी जाल, जिथे अनेक नव्या ओळखी होतील. या ओळखींचा उपयोग तुम्हाला भविष्यात नक्की होईल. राजकारणात यश मिळेल. नेत्यांना भेटण्याचीही संधी मिळेल. विद्यार्थी असाल तर अभ्यासावर लक्ष केंद्रीत करा. जोडीदारासाठी जरासा वेळ काढा आणि कुठेतरी निवांत क्षण जोडीदारासोबत घालवा. नात्यातील दुरावा संपण्यास मदत होईल.
वृश्चिक (Scorpio)
वृश्चिक राशीच्या लोकांसाठी आजचा दिवस तुमच्यासाठी खूप चांगला आहे. आज तुम्ही कोणतंही काम कराल, ज्यात तुम्हाला यश नक्कीच मिळेल. छोट्या व्यावसायिकांना व्यवसायात भरपूर नफा मिळेल. नोकरी करत असाल तर आजचा दिवस काहीसा ताणतणावाचा असेल, जे लोक परदेशातून आयात-निर्यातीचं काम करत आहेत, त्यांना नक्कीच गुडन्यूज मिळेल. राजकारणात करिअर करू इच्छिणाऱ्यांसाठी काळ चांगला आहे. नेत्यांना भेटण्याचीही संधी मिळेल.
वैवाहिक जीवनात सुख-शांती नांदेल. तुमच्या साथीदारासोबत तुम्ही कुटुंबासाठी काही महत्त्वाचे निर्णय घ्याल. सुरुवातीला काही अडचणींचा सामना करावा लागेल. पण तुम्ही त्यातून नक्कीच मार्ग काढाल. नोकरदार लोकांना नोकरीत दिलेली कामे वेळेत पूर्ण करण्यात यश मिळेल. व्यवसायातही तुम्हाला अपेक्षित नफा मिळेल. वरिष्ठांशी बोलताना बोलण्यात गोडवा ठेवा. पैशाशी संबंधित कोणतीही समस्या आज सुटू शकते आणि तुम्हाला आर्थिक लाभ मिळू शकतो.
धनु (Sagittarius)
धनु राशीच्या लोकांसाठी आजचा दिवस आनंदाने भरलेला असणार आहे. कुटुंबाचे पूर्ण सहकार्य मिळेल. तुम्ही तुमच्या पालकांसोबत धार्मिक कार्यक्रमात सहभागी व्हाल, जिथे तुम्ही थोडा वेळ घालवाल, ज्यामुळे तुमच्या मनाला शांती मिळेल. आज तुमच्या गोड बोलण्यामुळे तुम्ही सर्व लोकांची कामे पूर्ण करू शकाल.
नोकरदार लोकांना नोकरीमध्ये नव्या जबाबदाऱ्या मिळतील. हा मात्र तुम्हाला भावनांवर नियंत्रण ठेवावं लागेल. नको त्या चिंतेनं मन अस्वस्थ होईल. मेहनतीनंतरच तुम्हाला व्यवसायात यश मिळेल. तुमच्या कुटुंबियांकडून तुम्हाला तुमच्या व्यवसायात मदत मिळेल. आज तुम्ही एखाद्या मालमत्तेत गुंतवणूकही करू शकता.
मकर (Capricorn)
मकर राशीच्या लोकांबद्दल बोलायचं तर आजचा दिवस तुमच्यासाठी चांगला असेल. काही जुन्या गोष्टींच्या आठवणी तुमच्या मनात गोंधळ घालतील. यामुळे तुम्ही तणावात राहाल, पण जे घडलं ते घडलं त्यातून मार्ग काढून पुढे जाण्याचा विचार करा. गुंतवणूक करण्याच्या विचारात असाल, तर अजिबात घाई करु नका, तसेच लोभाला बळी पडू नका, नाहीतर मोठं आर्थिक नुकसान करुन बसाल. जवळच्या नातेवाईकांना भेटण्याचा योग आहे, त्यामुळे तुमचा तणाव काहीसा दूर होण्यास मदत होईल. जोडीदारासोबत आजचा दिवस अत्यंत चांगला जाईल. लग्नाची बोलणी सुरू असतील तर समोरुन होकार येऊ शकतो.
जे लोक नोकरीच्या शोधात असतील, त्यांना आज एखाद्या ओळखीच्या व्यक्तीच्या मदतीनं चांगली नोकरी मिळू शकते. तुमच्या वैवाहिक आयुष्यात काही अडचणी असतील, तर त्या दूर करण्यासाठी तुमचा भाऊ एखाद्या देवदूतासारखा धावून येईल. नातेवाईकांच्या मदतीनं तुमचा भाऊ तुमच्या सासरच्या सर्व अडचणी दूर करेल.
कुंभ (Aquarius)
कुंभ राशीच्या लोकांचा आजचा दिवस काहीसा ताणतणावाचा असेल. वरिष्ठांकडून कौटुंबिक जबाबदाऱ्या तुमच्यावर सोपवण्यात येतील, ज्या तुम्ही निश्चितपणे पार पाडाल. तुम्ही केलेल्या कामामुळे सर्वजण खूप खूश होतील. घरातून बाहेर पडताना ज्येष्ठांचे आशीर्वाद घ्या, मग तुमची सर्व कामं पूर्ण होतील. समाजाच्या भल्यासाठी तुम्ही केलेल्या कामाचा सन्मान मिळेल. राजकारणात करिअर करण्याची इच्छा असणाऱ्यांसाठी चांगली संधी आहे. नेत्यांना भेटण्याची संधी मिळेल, सभांना संबोधित करण्याचीही संधी मिळेल.
तब्येतीच्या काही कुरबुरीही सतावतील. तसेच कौटुंबिक कलहांमुळे मानसिक स्थैर्य खालावेल. घरात मंगल कार्याची तारीख निश्चित होईल. नवीन वाहनाचा आनंदही मिळेल. जोडीदाराच्या प्रगतीमुळे कुटुंबात आनंदाचे वातावरण राहील. पालकांचा सहवास आणि सहकार्य मिळेल. सरकारी क्षेत्रांतूनही तुम्हाला लाभ मिळण्याची चिन्हे आहेत. कामाच्या ठिकाणी वरिष्ठांचा दबाव आणि घरातील कलह यामुळे तुम्हाला तणावाचा सामना करावा लागू शकतो. ज्यामुळे तुमच्या कामातील एकता बिघडेल. तुम्हाला तुमचा जोडीदार आणि मुलांकडून अतिरिक्त स्नेह आणि पाठिंबा मिळेल.
मीन (Pisces)
जर तुमची रास मीन असेल, तर जरा जपून आज तुमच्या खिशाला मोठी कात्री लागू शकते. घरातील सदस्यासाठी एखादी महागडी गोष्ट घ्यावी लागेल. आज एक काळजी घ्या, कोणत्याही व्यक्तीवर आंधळेपणानं विश्वास ठेवू नका. कारण आज तुमचा विश्वासघात होण्याची शक्यता आहे. तसेच, आज तुमच्या जोडीदारासोबत निवांत वेळ घालवण्याची संधी मिळेल. पैसा, प्रेम, कुटुंब यापासून दूर राहून, आज तुम्ही आनंदाच्या शोधात आध्यात्मिक गुरूला भेटायला जाऊ शकता. संगीत, नृत्य आणि बागकाम यांसारख्या तुमच्या छंदांसाठीही वेळ काढा, यामुळे तुम्हाला समाधान मिळेल.
जोडीदारासोबत काही गोष्टींवरुन खटके उडू शकतात. पण वाद झाल्यास ताणू नका, त्वरित वाद सोडून नात्यातील अबोला दूर करा. महत्त्वाच्या कामात अडचणी येऊ शकतात. त्यामुळे तुम्ही तणावात राहाल. पण तुम्ही तुमच्या बुद्धीच्या जोरावर त्या अडचणी दूर करुन नक्कीच त्यातून मार्ग काढण्याचा प्रयत्न कराल. जुन्या मित्राशी अचानक भेट होऊ शकते. विद्यार्थी असाल तर एका शहरातून दुसऱ्या शहरात शिक्षणासाठी जाण्याचा योग येऊ शकतो.
महत्त्वाच्या बातम्या
