Dhanteras 2024 : धनत्रयोदशीच्या दिवशी राशीनुसार खरेदी करा 'या' वस्तू; देवी लक्ष्मी होईल प्रसन्न, दूर होईल आर्थिक तंगी
Dhanteras 2024 : धनत्रयोदशीच्या दिवशी दागिन्यांची, वस्तूंची, वाहनाची खरेदी करणं शुभ मानलं जातं.
Dhanteras 2024 : पंचांगानुसार, अश्विन महिन्यातील कृष्ण पक्षातील त्रयोदशी तिथीला धनत्रयोदशी (Dhanteras 2024) साजरी करण्याची परंपरा आहे. त्यानुसार, यंदा 29 ऑक्टोबर रोजी धनत्रयोदशीचा सण साजरा केला जाणार आहे. या दिवशी देवी लक्ष्मी, भगवान धन्वंतरी आणि कुबेराची पूजा केली जाते. धार्मिक मान्यतेनुसार, या दिवशी समुद्र मंथनात अमृत कलश घेऊन देवी धन्वंतरी उत्पन्न झाली होती. धनत्रयोदशीच्या दिवशी दागिन्यांची, वस्तूंची, वाहनाची खरेदी करणं शुभ मानलं जातं. त्यानुसार तुमच्या राशीनुसार या दिवशी कोणत्या वस्तूची खरेदी करावी ते जाणून घेऊयात.
मेष रास (Aries Horoscope)
धनत्रयोदशीच्या दिवशी मेष राशीच्या लोकांनी चांदीची भांडी खरेदी करणं शुभ आहे.
वृषभ रास (Taurus Horoscope)
वृषभ राशीच्या लोकांनी धनत्रयोदशीच्या शुभ मुहूर्तावर चांदीची नाणी किंवा कपडे खरेदी करणं शुभ मानलं जाईल.
मिथुन रास (Gemini Horoscope)
मिथुन राशीच्या लोकांनी या दिवशी पितळेची भांडी खरेदी करणं शुभ ठरेल.
कर्क रास (Cancer Horoscope)
कर्क राशीचे लोक या दिवशी कोणतीही पांढऱ्या रंगाची वस्तू किंवा चांदीचं नाणं खरेदी करु शकतात.
सिंह रास (Leo Horoscope)
धनत्रयोदशीच्या दिवशी सिंह राशीच्या लोकांनी या दिवशी वाहनाची खरेदी करु शकतात. याशिवाय दागिनेही खरेदी करु शकता.
कन्या रास (Virgo Horoscope)
कन्या राशीचे लोक या दिवशी घर, दागिने किंवा जमीन खरेदीचा विचार करु शकता.
तूळ रास (Libra Horoscope)
तूळ राशीचे लोक धनत्रयोदशीच्या दिवशी झाडू विकत घेऊ शकता.यामुळे देवी लक्ष्मीची कृपा तुमच्यावर राहील.
वृश्चिक रास (Scorpio Horoscope)
वृश्चिक राशीच्या लोकांनी या दिवशी कोथिंबीर खरेदी करु शकता. यामुळे तुमच्या घरात चांगली बरकत येईल आणि देवी लक्ष्मीचा आशीर्वाद राहील.
धनु रास (Sagittarius Horoscope)
तुमची आर्थिक स्थिती सुधारण्यासाठी धनु राशीच्या लोकांनी भगवान गणेशाची पूजा करु शकता.
मकर रास (Capricorn Horoscope)
देवी लक्ष्मीला प्रसन्न करण्यासाठी मकर राशीच्या लोकांनी या दिवशी पिवळ्या रंगाचे कपडे किंवा पिवळ्या रंगाची वस्तू खरेदी करणं शुभ ठरेल.
कुंभ रास (Aquarius Horoscope)
कुंभ राशीच्या लोकांनी या दिवशी भगवान गणेश आणि लक्ष्मीची प्रतिमा असलेला चांदीचं नाणं खरेदी करणं शुभ ठरेल.
मीन रास (Pisces Horoscope)
धनत्रयोदशीच्या दिवशी मीन राशीच्या लोकांनी सोनं किंवा पितळेची वस्तू खरेदी करु शकता.
(टीप : वरील सर्व बाबी एबीपी माझा केवळ माहिती म्हणून वाचक-प्रेक्षकांपर्यंत पोहोचवत आहे. यातून एबीपी माझा कोणताही दावा करत नाही.)
हेही वाचा :
Shani Gochar 2024 : शनीच्या शश योगाचा 'या' 3 राशींवर होणार भयंकर परिणाम; ऐन दिवाळीत सावध राहण्याचा इशारा
महत्त्वाच्या बातम्या
ट्रेंडिंग न्यूज
