Astrology Today 3 March 2024 : आज बनले शश आदित्य राजयोगासह अनेक शुभ योग; कन्यासह 'या' 5 राशींना मिळणार फायदा, आयुष्यात घडणार 'या' खास गोष्टी
Astrology Today 3 March 2024 : आज, म्हणजेच 3 मार्च रोजी शश आदित्य योग, हर्षन योगासह अनेक शुभ योग तयार होत आहेत, ज्यामुळे कन्या, मकर राशीसह इतर 5 राशींसाठी आजचा दिवस शुभ आणि फलदायी ठरणार आहे. या भाग्यवान राशींबद्दल अधिक जाणून घेऊया.
Astrology Today 3 March 2024 : आजचा दिवस ग्रहांच्या स्थितीमुळे फार महत्त्वाचा मानला जातो. आज रविवार, 3 मार्च रोजी कुंभ राशीत सूर्य आणि शनीच्या एकत्र येण्याने शश आदित्य राजयोग निर्माण झाला आहे. तसेच आज फाल्गुन महिन्यातील कृष्ण पक्षातील सप्तमी तिथी असून या दिवशी षष्ठ आदित्य योगासह हर्ष योग, त्रिग्रही योग आणि अनुराधा नक्षत्र यांचा शुभ संयोग देखील होत असल्याने आजच्या दिवसाचं महत्त्व वाढलं आहे. वैदिक ज्योतिष शास्त्रानुसार, 5 राशींना आज शुभ योग तयार होत असल्याचा लाभ मिळेल. या 5 राशी (Zodiac Signs) नेमक्या कोणत्या ते जाणून घेऊया.
वृषभ रास (Taurus)
वृषभ राशीच्या लोकांचा आजचा दिवस चांगला जाणार आहे. वृषभ राशीच्या लोकांना आज विविध स्त्रोतांतून पैसे मिळण्याची शक्यता आहे. अविवाहित लोकांना आज कोणीतरी खास व्यक्ती भेटू शकते. विद्यार्थ्यांचा अभ्यासाकडे सकारात्मक दृष्टीकोन असेल, जे पाहून पालकांना खूप आनंद होईल. आज तुम्ही तुमच्या काही चैनीच्या वस्तूंच्या खरेदीवर खूप पैसा खर्च कराल आणि रविवारच्या सुट्टीमुळे मित्रांसोबत पार्टीच्या मूडमध्ये असाल. जर पैशांशी संबंधित कोणताही मोठा निर्णय तुम्ही मागे टाकला असेल, तर तुम्ही आज तो निर्णय घेऊ शकता. रविवारच्या सुट्टीमुळे व्यापारी चांगला नफा कमावतील आणि दिवसभर व्यावसायिक कामात व्यस्त राहतील.
कर्क रास (Cancer)
आजचा दिवस कर्क राशीच्या लोकांसाठी चांगला असणार आहे. कर्क राशीच्या लोकांना आज पैसे कमवण्याच्या अनेक संधी मिळतील. कौटुंबिक व्यवसाय चालवणारे लोक त्यांच्या कामावर खुश राहतील आणि तुमचा व्यवसायातील प्रभावही वाढेल. विद्यार्थ्यांना शिक्षणाशी संबंधित काही चांगली माहिती मिळू शकते. नवीन मालमत्ता मिळवण्याची तुमची इच्छा कुटुंबातील सदस्यांच्या मदतीने पूर्ण होऊ शकते. तुम्हाला परदेशात नोकरीच्या चांगल्या संधी मिळतील. रविवारची सुट्टी असल्याने सर्व सदस्य घरीच राहणार असून कुठेतरी बाहेर जाण्याचाही बेत करतील. सासरच्या लोकांशी तुमचे संबंध चांगले राहतील आणि दोन्ही कुटुंबांमध्ये चांगला समन्वय राहील.
कन्या रास (Virgo)
कन्या राशीच्या लोकांसाठी आजचा दिवस लाभदायक आहे. आज सूर्यदेवाच्या कृपेने कन्या राशीच्या लोकांचा बँक बॅलन्स वाढेल आणि तुम्ही पैशाची बचतही करू शकाल. नवीन मालमत्ता मिळवण्याची तुमची इच्छा आज तुमच्या वडिलांच्या मदतीने पूर्ण होऊ शकते. या राशीचे नोकरदार लोक जे रविवारी काम करत आहेत ते घरातून काम करू शकतात. तुमच्या कुटुंबातील एखाद्या सदस्याचं लग्नकार्य निघेल किंवा एखादं लहान बाळ तुमच्या कुटुंबात जन्माला येईल, त्यामुळे घरातील वातावरण आनंदी असेल. कुटुंबातील एखाद्या सदस्याला आज नोकरीसाठी घरापासून दूर जावं लागेल. आज व्यावसायिकांना चांगले आर्थिक लाभ मिळतील.
मकर रास (Capricorn)
आजचा दिवस मकर राशीच्या लोकांसाठी अनुकूल असणार आहे. आज मकर राशीच्या लोकांना नशिबाची साथ मिळेल. आज तुमचा मान-सन्मान वाढेल. तुमचे अडकलेले पैसेही तुम्हाला परत मिळतील. आज व्यवसायात अपेक्षित नफा मिळेल. कुटुंबातील सर्व वाद आज मिटतील. लव्ह लाईफमध्ये गैरसमज निर्माण होतील, जे बोलून सोडवता येतील. या राशीच्या विद्यार्थ्यांना परदेशात शिक्षण घेण्याची संधी मिळू शकते. तुम्ही चुलत भावंडांसोबत चांगला वेळ घालवाल आणि त्यांच्यासाठी काही खरेदीही करू शकता.
मीन रास (Pisces)
आजचा दिवस मीन राशीच्या लोकांसाठी इतर दिवसांपेक्षा चांगला असणार आहे. मीन राशीच्या लोकांवर आज सूर्य देवाची कृपा असेल, ज्यामुळे तुमचा मान-सन्मान वाढेल आणि तुमची सर्व महत्त्वाची कामं सहज पूर्ण होतील. जर तुम्ही बऱ्याच काळापासून एखाद्या कामाबद्दल चिंतेत असाल तर ते काम मित्राच्या मदतीने पूर्ण होईल असं दिसतं. नोकरदार लोक आज पूर्णपणे आळशी मूडमध्ये असतील आणि मित्रांसोबत सहलीला जाण्याची योजना आखतील. तुमच्या घरात काही शुभ कार्यक्रम आयोजित केल्याने वातावरण प्रसन्न राहील. कौटुंबिक व्यवसाय चालवणाऱ्या लोकांना आज थोडा संघर्ष करावा लागेल, त्यानंतरच त्यांना काही यश मिळेल.
(टीप : वरील सर्व बाबी एबीपी माझा केवळ माहिती म्हणून वाचक-प्रेक्षकांपर्यंत पोहोचवत आहे. यातून एबीपी माझा कोणताही दावा करत नाही.)
हेही वाचा:
महत्त्वाच्या बातम्या
