Astrology : आज हर्षण योगासह बनले अनेक शुभ योग; वृषभसह 5 राशींच्या धनात होणार दुप्पट वाढ, सुख-संपत्तीची नांदी
Panchang 11 November 2024 : आज सोमवारचा दिवस हा अनेक शुभ योगांनी संपन्न झाला आहे, या दिवशी हर्षण योग निर्माण झाल्याने याचा सर्वाधिक लाभ 5 राशींना होणार आहे. या भाग्यवान राशी नेमक्या कोणत्या? जाणून घेऊया.
Panchang 11 November 2024 : आज सोमवार, 11 नोव्हेंबर रोजी चंद्र मीन राशीत जाणार आहे, त्यामुळे मीन राशीतून शुक्र दहाव्या घरात असल्यामुळे अमला योग तयार होत आहे. तसेच आज कार्तिक महिन्यातील शुक्ल पक्षातील दशमी तिथी असून या दिवशी व्याघत योग, हर्षण योग आणि शतभिषा नक्षत्र यांचा शुभ संयोग होत असल्याने आजचं महत्त्व अधिकच वाढलं आहे. वैदिक ज्योतिष शास्त्रानुसार, 5 राशींना (Zodiac Signs) या शुभ योगांचा फायदा होणार आहे, या राशी नेमक्या कोणत्या? जाणून घेऊया.
वृषभ रास (Taurus)
वृषभ राशीच्या लोकांसाठी आजचा दिवस उत्साहाचा असेल. वृषभ राशीचे लोक आज प्रत्येक काम वेळेवर पूर्ण करताना दिसतील, त्यामुळे दिवसभर व्यस्त राहतील आणि अपूर्ण कामंही पूर्ण होतील. प्रेम जीवनात सकारात्मक वातावरण असेल. या राशीचे विद्यार्थी आज शिक्षणात नियोजन करून उच्च गुण मिळवू शकतील. व्यापाऱ्यांना आज चांगला नफा मिळू शकेल आणि रोजगाराच्या शोधात असलेल्या तरुणांनाही चांगली बातमी मिळेल. घरातील एखाद्या व्यक्तीच्या लग्नाबाबत चर्चा होऊ शकते आणि एखादं चांगलं स्थळही येऊ शकतं. संध्याकाळी धार्मिक स्थळाला भेट दिल्यास मानसिक शांती मिळेल.
सिंह रास (Leo)
आजचा दिवस सिंह राशीच्या लोकांसाठी फायद्याचा असणार आहे. आज महादेवाच्या कृपेने सिंह राशीच्या लोकांच्या मनोकामना पूर्ण होतील. वैवाहिक जीवनाबद्दल बोलायचं झालं तर, तुमच्या जोडीदारासोबत तुमचं नातं सौहार्दपूर्ण राहील, घरात आनंद राहील. जर तुम्हाला गुंतवणूक करायची असेल तर आजचा दिवस तुमच्यासाठी चांगला असेल. व्यवसाय करणारे आणि दुकानदारांना आज चांगला नफा मिळेल. त्याच वेळी, नोकरी करणाऱ्यांचे सहकाऱ्यांसोबत संबंध आज सुधारतील. कुटुंबात काही कलह चालू असेल तर ते तुमच्या गोड वर्तनाने सोडवण्यात तुम्ही यशस्वी व्हाल.
वृश्चिक रास (Scorpio)
वृश्चिक राशीच्या लोकांसाठी आजचा दिवस आनंदाचा दिवस आहे. वृश्चिक राशीच्या लोकांना आज सकाळपासून अनेक चांगल्या बातम्या मिळतील, ज्यामुळे संपूर्ण दिवस आनंदात जाईल. तुमची महत्त्वाची सरकारी कामं अडकली असतील तर ती आज एखाद्या अधिकाऱ्याच्या मदतीने पूर्ण होण्याची शक्यता आहे. या राशीचे लोक जे भाड्याने राहतात ते आज स्वतःचं घर घेण्याचा प्रयत्न करताना दिसतील. आज व्यावसायिक त्यांच्या प्रतिस्पर्ध्यांना कठीण टक्कर देतील. संध्याकाळी घरी खास पाहुणे येतील.
धनु रास (Sagittarius)
आजचा दिवस धनु राशीच्या लोकांसाठी इतर दिवसांपेक्षा चांगला असणार आहे. धनु राशीचे लोक त्यांच्या उत्तम आरोग्यामुळे आज उत्साही दिसतील, ज्यामुळे ते प्रत्येक कामात खूप सक्रिय राहतील. नशिबाच्या साथीने अडकलेले पैसे परत मिळतील. आज व्यावसायिक नवीन व्यवसाय कल्पनांवर काम करतील, जे व्यवसायाला पुढे नेण्यास उपयुक्त ठरतील. परिश्रमानंतरच विद्यार्थ्यांना परीक्षेत यश मिळत असल्याचं दिसतं. अविवाहित लोकांना आज कोणीतरी खास भेटू शकतं. संध्याकाळी धार्मिक कार्यात व्यस्त राहाल.
कुंभ रास (Aquarius)
आजचा दिवस कुंभ राशीच्या लोकांसाठी चांगला असणार आहे. कुंभ राशीच्या लोकांना आज नशिबाने साथ दिल्याने त्यांच्या आर्थिक जीवनात स्थिरता दिसेल आणि मोठी रक्कम मिळाल्याने आनंदी राहू शकतात. कुटुंबातील कोणत्याही सदस्याच्या विवाहात काही अडथळे येत असतील तर आज नातेवाईक किंवा मोठ्यांच्या मदतीने ते दूर होतील. परदेशात राहणाऱ्या नातेवाईकांकडून आनंदाची बातमी ऐकायला मिळेल. तुम्हाला तुमच्या मुलाच्या करिअरशी संबंधित काही चांगली बातमी ऐकू येईल, ज्यामुळे सर्वांना आनंद होईल. भागीदारीत व्यवसाय करणाऱ्यांना आज उत्तम नफा मिळेल आणि उत्पन्नाचे काही नवीन स्रोत मिळतील.
(टीप : वरील सर्व बाबी एबीपी माझा केवळ माहिती म्हणून वाचक-प्रेक्षकांपर्यंत पोहोचवत आहे. यातून एबीपी माझा कोणताही दावा करत नाही.)
हेही वाचा:
महत्त्वाच्या बातम्या
