Vishwachashak Majha:विश्वचषकाच्या महायुद्धात भारताची सलामीSunandan lele, Raju Kulkarniयांचं विश्लेषण

विश्वचषकाच्या महायुद्धात रोहित शर्माच्या भारतीय संघाचा सलामीचा सामना आज बलाढ्य ऑस्ट्रेलियाशी होतोय. या सामन्याला थोड्याच वेळात चेन्नईच्या चिदंबरम स्टेडियमवर सुरुवात होत आहे. खरं तर विश्वचषकाच्या रंगमंचाचा पडदा उघडून तीन दिवस उलटले आहेत. पण अजूनही भारताचा सामना न झाल्यानं विश्वचषकात खऱ्या अर्थानं रंग भरलेला नाही. इंग्लंड-न्यूझीलंड सामन्याकडे प्रेक्षकांनी फिरवलेली पाठ, हॅरिस रौफच्या वेगानं पाकिस्तानला दिलेली विजयी सलामी, बांगलादेशनं अफगाणिस्तानवर मिळवलेला एकतर्फी विजय आणि दक्षिण आफ्रिकेनं श्रीलंकेविरुद्ध उभारलेली विक्रमी धावसंख्या या विश्वचषकातल्या घडामोडींवर चर्चा रंगल्या. पण खऱ्या अर्थानं विश्वचषकाच्या महायुद्धाची ठिणगी आज चेन्नईत पडणारय.