Ajit Pawar Death CID: रोहित पवारांना दादांच्या घातपातावरुन संशय, अखेर सीआयडीने स्पष्टच सांगितलं...

Ajit Pawar Death CID: रोहित पवारांना दादांच्या घातपातावरुन संशय, अखेर सीआयडीने स्पष्टच सांगितलं...

राज्याचे उपमुख्यमंत्री अजित पवार यांच्या विमान अपघाती मृत्यूचा तपास सीआयडीकडून सुरू आहे. अशातच या प्रकरणी एफआयआर दाखल करावेत या मागणीसाठी रोहित पवार मरिन ड्राईव्ह पोलिस ठाण्यासह बारामती पोलिस ठाण्यातही धाव घेतली. आता या प्रकरणी सीआयडीने देखील माहिती देताना काही महत्त्वाच्या गोष्टी माध्यमांसमोर मांडल्या आहेत. सीआयडीचे अप्पर पोलीस महासंचालक सुनील रामानंद अजित पवारांच्या अपघाती मृत्यूनंतर सुरू करण्यात आलेल्या तपासाबाबत म्हटलंय की, बारामतीतील २८ जानेवारीच्या विमानाच्या अपघाताचे गांभीर्य लक्षात घेऊन अजित पवार आणि इतर व्यक्तींच्या अकस्मात मृत्यूचा तपास १९४ अंतर्गत सीआयडी कडे वर्ग करण्यात आला आहे. या आकस्मिक मृत्यू मागे घातपात आहे का? हा देखील तपासाचा भाग आहे. दुसरा भाग म्हणजे क्रिमिनल निग्लीजन्स आहे का? याचा देखील तपास होतो आहे. तिसरा भाग म्हणजे हा गुन्हेगारी कट आहे का या अंगाने देखील तपास होतो आहे.