Ganpatipule Crowd | गणपतीपुळेमध्ये पर्यटकांची गर्दी, सलगच्या सुट्ट्यांमुळे कोकणाकडे पर्यटकांचा ओढा

नाताळ, 31 डिसेंबर आणि सलग आलेल्या सुट्ट्या यामुळे कोकणाकडे पर्यटकांचा ओढा वाढला आहे. मनपा क्षेत्रात निर्बंध असल्यानं सध्या मोठ्या संख्येनं पर्यटन कोकणात दाखल होत आहे. मुंबई, पुणे, नाशिक, नागपूर, कोल्हापूर, सोलापूर, सातारासह राज्याच्या आदीभागांमधून पर्यटक कोकणात येत आहे. नवीन वर्षाच्या स्वागतासाठी पर्यटकांची वाढती संख्या पाहता सध्या याठिकाणची हॉटेल्स, रेस्टॉरंटसह होम स्टे देखील फुल्ल झाल्याचं दिसून येत आहे. रत्नागिरी जिल्ह्यासह कोकणातील प्रमुख, प्रसिद्ध अशी पर्यटनस्थळं आणि बीचेसवर सध्या पर्यटकांची संख्या वाढली आहे. या ठिकाणी कोणतेही कडक निर्बंध नसले तरी पर्यटकांनी कोरोनाकाळातील नियम पाळावेत असं आवाहन सध्या जिल्हा प्रशासनानं केलं आहे.