Malad : मुंबईत मालाड येथे लिफ्टमध्ये अडकून शिक्षिकेचा मृत्यू, दरवाजा बंद होण्याआधीच लिफ्ट सुरु

मुंबईत मालाड इथल्या शाळेत लिफ्टमध्ये अडकून शिक्षिकेचा मृत्यू झालाय... जेनेली फर्नांडिस असं या शिक्षिकेचं नाव आहे... मालाडच्या चिंचोली फाटक नजीकच्या सेंट मेरी इंग्लिश स्कूलमध्ये ही धक्कादायक घटना घडलीय.. फर्नांडिस जून-2022 पासून या शाळेत सहशिक्षिका या पदावर कार्यरत होत्या.. शुक्रवारी दुपारी एकच्या सुमारास सहाव्या मजल्यावरील वर्गात शिकवणी संपवून फर्नांडिस दुसऱ्या मजल्याकडे निघाल्या. त्यासाठी त्यांनी लिफ्ट बोलावली,., लिफ्ट आल्यावर फर्नांडिस आत गेल्या.. मात्र दरवाजा बंद होण्याआधीच लिफ्ट वरच्या दिशेने जाऊ लागली.. त्यामुळे लिफ्टमध्ये अडकल्याने त्या जखमी झाल्या... या घटनेनंतर स्टाफमधील सहकारी त्यांच्या मदतीसाठी धावल्या आणि फर्नांडिस यांना त्यांनी बाहेर काढलं.. जखमी फर्नांडिस यांना तात्काळ नजीकच्या लाईफलाईन रुग्णालयात दाखल करण्यात आलं.. मात्र रुग्णालयात त्यांना मृत घोषित करण्यात आलं.. मालाड पोलिसांनी या प्रकरणी अपघाती मृत्यूची नोंद केलीय.. या प्रकरणी पोलीस लिफ्टची देखभाल करणाऱ्या एजन्सीची चौकशी करण्याची शक्यता आहे... लिफ्टमध्ये तांत्रिक बिघाड झाला की यांत कुणाचा निष्काळजीपणा यायाबबत चौकशी होण्याची शक्यता आहे. या घटनेमुळे या शाळेतील विद्यार्थ्यांच्या सुरक्षेचा मुद्दा ऐरणीवर आलाय.. या विद्यार्थ्यांची सुरक्षा रामभरोसे आहे का असा सवाल उपस्थित करण्यात येतोय...