Dombivali : डोंबिवली रेल्वेची जुनी संरक्षक भिंत कोसळली, दुर्घटनेत पाच मजूर गंभीर जखमी

डोंबिवली पश्चिमेकडील सिद्धार्थनगर झोपडपट्टी परिसरात असलेल्या रेल्वेची जुनी संरक्षक भिंत कोसळून, या दुर्घटनेत पाच मजूर गंभीर जखमी झाले आहेत. त्यामधल्या मल्लेश चव्हाण आणि बंडू कुवासे या दोन मजुरांचा उपचारांदरम्यान मृत्यू झाला आहे. तसंच माणिक पवार, विनायक चौधरी आणि युवराज वेडगुत्तवार या तीन मजुरांवर शास्त्रीनगर रुग्णालयात उपचार सुरू आहेत. रेल्वेच्या नव्या संरक्षक भिंतीचं काम सुरू असताना, त्या भिंतीला खेटून असलेली जुनी भिंत कोसळली. त्याठिकाणी काम करणारे पाच मजूर या भिंतीच्या ढिगाऱ्याखाली अडकले होेते.