Ganpati Visarjan 2022 : पाच दिवसांच्या गणपती बाप्पाला आज निरोप, मुंबई महापालिकेकडून जय्यत तयारी

गेले पाच दिवसांपासून गणेशोत्सवाची देशभर धूम सुरू आहे. आज पाच दिवसांच्या गणपती बाप्पांना निरोप देण्याचा दिवस. आजच्या विसर्जनासाठी मुंबई पालिकेनं जय्यत तयारी केली आहे. समुद्रकिनारे आणि विसर्जनस्थळी पालिकेनं सर्वतोपरी उपाययोजना केल्या आहेत. गणपती बाप्पाच्या विसर्जनासाठी ऑनलाईन बुकिंगदेखील करता येणार आहे. आजच्या विसर्जनाच्या निमित्तानं पालिकेचे १० हजार कर्मचारी आणि ७८६ जीवरक्षक मुंबईत तैनात असतील. समन्वय साधण्यासाठी विसर्जनस्थळी स्वागत कक्षही उभारण्यात आले आहेत.