Best Bus Seat Resevration : मुंबईतील बेस्ट बसमध्येही सीट आरक्षित करता येणार ABP Majha

सीटी बस म्हटलं की लांबलचक रांगा, गर्दी आणि शहरातील वाहतूक कोंडीमुळे तासनतास उभं राहून प्रवास.. मात्र, याच बसमध्ये सीट रिझर्व्हेशन करुन निवांत प्रवास करता आला तर... आणि मुंबईतल्या बेस्ट बसच्या प्रवासाठी अशाप्रकारचं रिझर्व्हेशन करता येणं शक्य होणार आहे.. पुढील तीन महिन्यांच्या कालवधीत बेस्ट प्रशासनाकडून रिझर्व्हेशन सुविधा सुरु करता येणार आहे.. या सुविधेसाठी सध्याच्या चलो अ‍ॅपमध्ये बदल करून किंवा स्वतंत्र अ‍ॅपद्वारे आसन आरक्षित करण्याची सुविधा दिली जाणार आहे. यामध्ये प्रवाशांना बसचा मार्ग, वेळ आणि त्या मार्गावर आणखी किती बससेवा असतील याची माहिती मिळू शकणार आहे...या विशेष सेवेसाठी फक्त एसी बस चालवण्यात येणार आहेत. यासाठी नियोजन सुरु असून ही योजना प्रवाशांच्या वेळेची बचत करणारी ठरेल, असा दावा बेस्ट प्रशासन करीत आहे.