Zero Hour : सत्तेत आल्यानंतर झालेल्या चूकांना भाजप तोंड देतंय ?

Zero Hour : सत्तेत आल्यानंतर झालेल्या चूकांना भाजप तोंड देतंय ?  ह्या होत्या पारनेरच्या दौऱ्यावर अजित पवारांना मिळलेल्या छोट्या मित्राच्या शुभेच्छा... ज्या दिवसभर ट्रेण्डिंग होत्या.. पण प्रतिक्रिया आल्या त्या देवेंद्र फडणवीसांच्या काल पुण्यात पार पडलेल्या भाजपच्या मेळाव्यात केलेल्या भाषणावर. महाविकास आघाडीविरोधात मोर्चा उघडत .. लोकसभा निवडणुकीत विरोधकांनी पसरवलेल्या फेक नॅरेटिव्हचा फटका बसला, असं मान्य करत फडणवीसांनी फेक नॅरेटिव्हला सडेतोड प्रत्युत्तर द्या, विरोधकांना ठोकून काढा असं म्हटलं ... आगामी निवडणूकीसाठी कार्यकर्त्यांमध्ये जोश निर्माण करण्यासाठी हे भाष्य महत्त्वाचं होतं.. यावेळी फडणवीसांनी तुफान राजकीय फटकेबाजी करत पुन्हा महायुतीचं सरकार येणार असा विश्वास देखील व्यक्त केला.. तर फडवीसांच्या याच 'ठोकून काढा' वक्तव्यावर शिवसेना ठाकरे पक्षाचे नेते, संजय राऊतांनी जोरदार आक्षेप घेतलाय.. गृहमंत्री गुंडांची भाषा बोलत असल्याची टीका राऊतांनी केलीय.. पाहूयात.. केवळ भाजप आणि ठाकरे पक्षातच आरोप-प्रत्यारोपांची तोफ धडाडतेय असं नाही... तर कालच्या भाजप मेळाव्यानंतर भाजप आणि राष्ट्रवादी पवार पक्षामध्येही जोरदार टोलवाटोलवी सुरूय.. निमित्त गृहमंत्री अमित शाहांचा शरद पवारांवर निशाणा... भाजपच्या पुण्यातील बालेवाडीच्या कार्यक्रमात बोलताना, अमित शाहांनी शरद पवार यांच्यावर सडकून टीका केली.. मराठा आरक्षणावरून पवारांना टार्गेट करताना शाहांनी, शरद पवारांचे सरकार आले की मराठा आरक्षण जाते, असा टोला तर लगावला... शिवाय शरद पवार हे भारताच्या राजकारणातील भ्रष्टाचाराचे सर्वात मोठे सरदार असल्याचा आरोपही त्यांनी केला... अमित शाहांच्या टीकेला खासदार सुप्रिया सुळेंंनी प्रत्युत्तर दिलंय.. मोदी सरकारच्या काळात पवारांना दिलेल्या पद्म विभूषण पुरस्काराचा उल्लेख करत, सुप्रिया सुळेंनी भाजपलाच उलट सवाल केलाय.. पाहूयात