Uddhav Thackeray Jalgaon Pachora Full Speech : भगव्याला कलंक लावणाऱ्या गद्दारांचे हात कलम करा

Uddhav Thackeray Jalgaon Pachora Full Speech : भगव्याला कलंक लावणाऱ्या गद्दारांचे हात कलम करा

जळगाव: जळगावातील सगळा जल्लोष आणि उत्साह पाहिल्यानंतर शिवसेना कुणाची याची प्रचीती येते, पाकिस्तानला जरी शिवसेना कुणाची विचारली तरी तो सांगेल. पण आमच्याकडे मोतीबिदू झालेल्या निवडणूक आयोगाला हे समजत नाही अशी घणाघाती टीका उद्धव ठाकरे यांनी केली. निवडून गेलेले गद्दार झाले, पण निवडून देणारे माझ्यासोबत असून, ज्यांनी भगव्याला कलंक लावला त्यांचे हात कायमचे काढून टाकायचे आहेत असंही ते म्हणाले. जळगावातील पाचोरा या ठिकाणच्या सभेत ते बोलत होते.  

उद्धव ठाकरे म्हणाले की, काही जणांना असं वाटतंय की ते म्हणजे शिवसेना. आम्ही सभेत घुसणार असं काहीजण वल्गना करतात, पण निवडणुकीत त्यांच्या शेपटी आदळून त्यांची जागा दाखवावी. आज आर ओ पाटलांची उणीव भासते, एक कणखर आणि विश्वासू सहकारी जाणं हे परवडणारं नाही. अगदी चाळीस गद्दार जरी गेले तरी चालतील, पण एक विश्वासू सहकारी जाणं परवडत नाही.