Hingoli Family Missing : गणपतीनिमित्त गावी निघालेलं अख्ख कुटुंब बेपत्ता, प्रकरण नेमकं काय?

हिंगोलीचे रहिवाशी असलेले ज्ञानेश्वर चव्हाण हे रत्नागिरीच्या गुहागर येथे शिक्षक म्हणून नोकरीनिमित्त राहतात. त्यांच्यासोबत त्यांची पत्नी आणि दोन मुलेही गुहागर येथे राहतात. गणेशोत्सवाच्या निमित्ताने चव्हाण पती-पत्नी आणि दोन मुलांसह कारने आपल्या गावाकडे निघाले होते. परंतु, ते अद्याप घरी पोहोचलेले नाहीत. नातेवाईकांनी त्यांच्याशी सातत्याने संपर्क साधण्याचा प्रयत्न केला, मात्र अद्याप संपर्क झालेला नाही. मागील चाळीस तासांपासून त्यांचे दोन्ही मोबाईल फोन बंद आहेत. त्यामुळे चिंतेत असलेल्या नातेवाईकांनी कालपासून त्यांची शोधाशोध सुरू केली आहे. या घटनेमुळे परिसरात मोठी खळबळ उडाली असून, चव्हाण कुटुंबाच्या सुरक्षिततेबाबत चिंता व्यक्त केली जात आहे. पोलीस आणि नातेवाईक त्यांच्या शोधासाठी प्रयत्न करत आहेत.