Governor : सरकार राज्यपालांच्या भेटीला, 12 आमदारांच्या नियुक्तीबाबत चर्चा होण्याची होण्याची शक्यता

12 आमदारांच्या रखडलेल्या नियुक्तीच्या यादीबाबात आज मुख्यमंत्री उद्धव ठाकरे, उपमुख्यमंत्री अजित पवार आणि महसूल मंत्री बाळासाहेब थोरात राज्यपालांची भेट घेणार आहेत. ठाकरे सरकारनं आमदारांच्या नियुक्तीसाठी यादी राज्यपालांकडे पाठवून 8 महिने उलटले तरी राज्यपालांनी त्यावर अजूनही निर्णय घेतलेला नाही. याबाबत दाखल झालेल्या याचिकेवर राज्यपालांनी निर्णय घ्यावा अशी अपेक्षा उच्च न्यायालयानं व्यक्त केली होती. त्यानंतर गेल्याच आठवड्यात लोकायुक्तांच्या शपथविधीच्या वेळी मुख्यमंत्री आणि उपमुख्यमंत्री राज्यपालांना भेटले होते. तेव्हा राज्यपालांनी त्यांना चर्चेसाठी येण्याचं निमंत्रण दिलं होतं.