Satara Doctor Case: '...तो गुन्हेगार कुठच्या पक्षाचा आहे याच्याशी घेणंदेणं नाही'

साताऱ्यातील फलटण येथील महिला डॉक्टर आत्महत्या प्रकरणावरून राजकीय वातावरण तापले आहे. शिवसेना (UBT) नेते अंबादास दानवे यांनी भाजपचे माजी खासदार रणजितसिंह नाईक निंबाळकर यांच्यावर गंभीर आरोप केले आहेत. 'ज्या मुलीवर, ज्या डॉक्टरवर हा अत्याचार झालेला आहे आणि त्याच्यानंतर तिची आत्महत्या झालेली आहे त्या नराधमांना शिक्षा झाली पाहिजे ही आमची सगळ्यांची भूमिका आहे', अशी प्रतिक्रिया महायुतीच्या नेत्यांनी दिली आहे. अंबादास दानवे यांनी आरोप केला आहे की, रिपोर्ट बदलण्यासाठी राजकीय दबाव होता आणि यात निंबाळकर यांच्या स्वीय सहाय्यकांचा सहभाग होता. तर, रणजितसिंह नाईक निंबाळकर यांनी हे सर्व आरोप फेटाळून लावले असून, या प्रकरणाची सखोल चौकशी करण्याची मागणी केली आहे. गुन्हेगार कोणत्याही पक्षाचा असो, त्याला पाठीशी घालण्याचा प्रश्नच उद्भवत नाही, असेही त्यांनी स्पष्ट केले आहे.