Buldhana : सरपंच महिला झाली अंगणवाडी सेविका, मुलांच्या भविष्याला आकार देण्याचं काम

बुलढाणा जिल्ह्यातल्या मेहकर तालुक्यातील गवंढाळा गट ग्रामपंचायतीच्या एका ध्येयवेड्या महिला सरपंचाने गेल्या काही महिन्यांपासून चिमुकल्या विद्यार्थ्यांना शिक्षणाचे धडे देणं सुरू केलंय.. या गावातील अंगणवाडी सेविका हे पद ४ वर्षांपासून रिक्त आहे.. त्यामुळे आता महिला सरपंचांनीच अंगणवाडी सेविका बनून गावातील लहानग्यांना शिकवण्याचा अभिनव उपक्रम हाती घेतलाय. अनेकदा शासन दरबारी अंगणवाडी सेविकेचं रिक्त पद भरण्यासाठी सरपंचाने मागणी केली आहे.. पण अंगणवाडी सेविका नसल्याने गावातील लहान मुलांना शिक्षणापासून वंचित राहू नये म्हणून या महिला सरपंच चिमुकल्या बालकांना शिक्षणाचे धडे देतायत..