RSS 100th Foundation Ceremony : संघाचं शताब्दी वर्ष, रेशीमबाग मैदानावर विजयादशमी मेळाव्याची जय्यत तयारी

नागपूरच्या रेशीमबाग मैदानावर राष्ट्रीय स्वयंसेवक संघाच्या शताब्दी वर्षातील विजयादशमी उत्सवासाठी तयारी सुरू आहे. अनेक तरुण स्वयंसेवक मैदानावरील तयारीच्या कामांमध्ये सहभागी आहेत. संघाचे शताब्दी वर्ष असल्याने विविध क्षेत्रातील मान्यवरांना निमंत्रित करण्यात आले आहे. रेशीमबाग मैदानावर एकवीस हजार गणवेशधारी स्वयंसेवक सरसंघचालकांसमोर प्रात्यक्षिकं दाखवणार आहेत. उत्सवासाठी मुख्य मंच उभारण्यात आला आहे. मंचावर भगव्या रंगाची थीम आहे. मुख्य मंचाच्या दोन्ही बाजूला आणखी दोन मोठे मंच उभारण्यात आले आहेत. निमंत्रितांसाठी दोन मोठे मंच आहेत. मोठ्या संख्येने नागपूरकर आणि स्वयंसेवक या मैदानावर पोहोचतील. संपूर्ण रेशीमबाग मैदान या तयारीसाठी वापरले जात आहे. स्वयंसेवकांच्या प्रात्यक्षिकांसाठी मोकळी जागा सोडण्यात आली आहे. शस्त्रपूजनासाठीची तयारीही करण्यात आली आहे. राष्ट्रीय स्वयंसेवक संघ शंभर वर्ष पूर्ण करून शताब्दी वर्षामध्ये प्रवेश करत आहे.