Minimum Balance Charges | बँकांनी मिनिमम बॅलन्सच्या नावाखाली कमावले कोट्यवधी

सार्वजनिक क्षेत्रातील बँकांनी मिनिमम बॅलन्सच्या नावाखाली मोठ्या प्रमाणात रक्कम जमा केली आहे. गेल्या पाच वर्षांत बँकांनी तब्बल नऊ हजार कोटी रुपयांची कमाई केली आहे. या आकडेवारीमुळे बँका मालामाल झाल्याचे स्पष्ट झाले आहे. वित्त राज्यमंत्री पंकज चौधरी यांनी ही आकडेवारी लोकसभेत जाहीर केली. बँकांनी मिनिमम बॅलन्स न ठेवणाऱ्या ग्राहकांकडून दंड आकारून ही रक्कम गोळा केली आहे. ही आकडेवारी सार्वजनिक झाल्यानंतर बँकांच्या या धोरणावर प्रश्नचिन्ह निर्माण झाले आहे. ग्राहकांना मिनिमम बॅलन्स ठेवणे बंधनकारक असल्याने अनेकदा त्यांना दंड भरावा लागतो. या दंडातून बँकांनी मोठी कमाई केल्याचे समोर आले आहे. ही माहिती संसदेत सादर करण्यात आली असून, यावर आता चर्चा होण्याची शक्यता आहे.