Principal Assault | लातूरमध्ये मुख्याध्यापकाला मारहाण, फीवरून वाद

लातूर जिल्ह्यातील अहमदपूर येथील महात्मा गांधी विद्यालयात एक धक्कादायक घटना घडली आहे. बहिणीचा शाळा सोडण्याचा दाखला (TC) काढण्यासाठी आलेल्या एका युवकाने मुख्याध्यापकांना मारहाण केली. रोहन कांबळे असे मारहाण करणाऱ्या युवकाचे नाव आहे. शाळा सोडण्याच्या दाखल्यासाठी (TC) २०० रुपये फी का द्यावी, असा प्रश्न या युवकाने विचारला. "दोनशे रुपयेची पावती द्या, अर्ज देतो मग टीसी द्या," असे युवकाचे म्हणणे होते. कागदपत्रांची पूर्तता केल्यानंतरच टीसी मिळेल असे मुख्याध्यापकांनी सांगितल्यानंतरही युवकाने विनाकारण गोंधळ घालण्यास सुरुवात केली. या वादामधूनच त्याने मुख्याध्यापकांच्या श्रीमुखात भडकावली. या घटनेमुळे संतापलेल्या शाळा कर्मचाऱ्यांनी मारहाण करणाऱ्या युवकाला चांगलाच चोप दिला. या घटनेमुळे परिसरात खळबळ उडाली आहे. शिक्षण क्षेत्रात अशा घटनांमुळे चिंता व्यक्त होत आहे.