Nagpur Alert: दिल्ली स्फोटानंतर Nagpur हाय अलर्टवर, संघ मुख्यालयाला तिहेरी सुरक्षा

दिल्लीतील लाल किल्ल्याजवळ झालेल्या बॉम्बस्फोटानंतर नागपूरमध्ये हाय अलर्ट जारी करण्यात आला आहे. या पार्श्वभूमीवर, नागपूरमधील राष्ट्रीय स्वयंसेवक संघाच्या (RSS) मुख्यालयाची आणि इतर संवेदनशील ठिकाणांची सुरक्षा मोठ्या प्रमाणात वाढवण्यात आली आहे. वृत्तानुसार, 'नागपूरच्या संघ मुख्यालयाला तिहेरी स्वरुपाची सुरक्षा असून, सर्वात आतल्या घेऱ्यात CISF, मधल्या घेऱ्यात SRPF आणि बाहेरील सुरक्षेची जबाबदारी नागपूर शहर पोलिसांवर आहे'. शहरात प्रवेश करणाऱ्या आणि बाहेर जाणाऱ्या वाहनांची कसून तपासणी केली जात असून, संघ मुख्यालय परिसरात सामान्य नागरिकांच्या प्रवेशावर निर्बंध घालण्यात आले आहेत. दीक्षाभूमी आणि रेल्वे स्थानकांवरही पोलिसांचा चोख बंदोबस्त आहे.