Munde Legacy War: 'भुजबळचे वारस Sameer आहेत हे आम्ही जाहीर केलं तर चालेल का?', प्रकाश महाजनांचा सवाल

दिवंगत नेते गोपीनाथ मुंडे यांच्या राजकीय वारसा हक्कावरून महाराष्ट्राच्या राजकारणात पुन्हा एकदा वाद पेटला आहे. बीडमधील ओबीसी मेळाव्यात मंत्री छगन भुजबळ यांनी धनंजय मुंडे हेच गोपीनाथरावांचे खरे वारसदार असल्याचे विधान केले होते. यावर पंकजा मुंडे यांचे मामा प्रकाश महाजन यांनी, 'उद्या जर आम्ही हे जाहीर केलं की भुजबळचे वारस समीर आहेत, तेव्हा त्यांना चालू शकेल काय?' असा थेट सवाल करत भुजबळांवर हल्लाबोल केला आहे. अनेक वर्षांनी एकत्र आलेल्या मुंडे बहिण-भावांमध्ये मिठाचा खडा टाकू नका, असा सल्लाही महाजन यांनी भुजबळांना दिला. दुसरीकडे, वारसदार हा पोटचा नसून विचारांचा असतो, असे म्हणत धनंजय मुंडे यांच्या घटस्फोटित पत्नी करुणा शर्मा यांनीही या वादात उडी घेतली आहे. जनतेने पंकजा मुंडे यांनाच गोपीनाथ मुंडेंचा वारसदार मानले आहे, असेही प्रकाश महाजन म्हणाले.