Pawar Land Scam: 'अजित दादांनी राजीनामा दिला पाहिजे', MNS कडून पार्थ पवारांवर गुन्हा दाखल करण्याची मागणी

पुण्यातील मुंडवा येथील वादग्रस्त जमीन खरेदी प्रकरणी उपमुख्यमंत्री अजित पवार आणि त्यांचे पुत्र पार्थ पवार यांच्याविरोधात मनसे आक्रमक झाली आहे. यवतमाळमध्ये मनसेने प्रतीकात्मक पुतळ्यांचे दहन करत जोरदार आंदोलन केले. 'अजित दादांनी नैतिक जबाबदारी स्वीकारून राजीनामा द्यावा', अशी थेट मागणी मनसे कार्यकर्त्यांनी केली आहे. पार्थ पवार यांच्या 'अमेडिया' (Amedia) कंपनीने ३०० कोटी रुपयांचा जमीन घोटाळा केल्याचा आरोप आहे. ज्या जमिनीचा व्यवहार झाला, ती 'बंद सातबारा' असलेली म्हणजेच सरकारी जमीन असल्याचा दावा करत मनसेने संबंधित कागदपत्रे सादर केली आहेत. या प्रकरणात तहसीलदार आणि काही अधिकाऱ्यांवर कारवाई झाली असली तरी, मुख्य सूत्रधार असलेल्या पार्थ पवार यांच्यावर गुन्हा दाखल करून अजित पवारांनी राजीनामा द्यावा, या मागणीसाठी मनसे ठाम आहे.