Maratha Reservation Protest | Azad Maidan वर Manoj Jarange पाटील यांच्या उपोषणाचा दुसरा दिवस

आझाद मैदानावर मनोज जरांगे पाटील यांच्या नेतृत्वाखाली मराठा आरक्षणासाठी उपोषण सुरू आहे. आज या आंदोलनाचा दुसरा दिवस आहे. राज्याच्या विविध भागातून मराठा बांधव मुंबईत दाखल झाले आहेत. कुणबी प्रवर्गातून मराठ्यांना आरक्षण मिळावे, ही प्रमुख मागणी आहे. आंदोलकांना पाणी, स्वच्छतागृहे आणि विजेच्या अपुऱ्या सुविधांचा सामना करावा लागत आहे. आज उद्धव ठाकरे आणि मनोज जरांगे पाटील यांच्यात फोनवरून चर्चा झाली. उद्धव ठाकरे यांनी आंदोलनाला पाठिंबा दर्शवला आणि शिवसैनिकांना मुंबईतील मराठा बांधवांना मदत करण्याच्या सूचना दिल्या. "सरकारनं मागण्यांचा विचार करायला हवा," असे ठाकरे यांनी म्हटले आहे. राज ठाकरे यांनी मराठा आरक्षणासंदर्भातील प्रश्नांची उत्तरे एकनाथ शिंदे देऊ शकतील, असे विधान केले. यापूर्वी नवी मुंबईत शिंदे यांनी आंदोलकांशी चर्चा केली होती. चंद्रकांत पाटील यांनी एकनाथ शिंदे यांनी कोणतीही खोटी आश्वासने दिली नाहीत, असे स्पष्ट केले. नोंद सापडल्यानंतर दाखले मिळण्यास उशीर होऊ नये म्हणून तहसील कार्यालयात स्वतंत्र डेस्क सुरू करण्यात आले, असेही त्यांनी सांगितले.