Maratha Reservation | मराठा आरक्षणावर आज मुंबई उच्च न्यायालयात मराठा आरक्षणावर सुनावणी

मराठा समाजाला देण्यात आलेल्या 10% आरक्षणावर मुंबई उच्च न्यायालयात आज सुनावणी होणार आहे. उच्च न्यायालयाच्या पूर्ण पीठासमोर ही सुनावणी पार पडेल. न्यायमूर्ती रवींद्र घुगे, न्यायमूर्ती एन जे जमादार आणि न्यायमूर्ती संदीप मारणे यांच्या खंडपीठासमोर आरक्षणाच्या समर्थनार्थ तसेच विरोधात दाखल झालेल्या याचिकांवर दिवसभर युक्तिवाद ऐकून घेतले जातील. आरक्षणाच्या विरोधात असलेले पक्षकार मराठा समाज एचओएस (HOS) मध्ये कसा बसत नाही, हे जुने दाखले देऊन पटवून देतील. त्यानंतर आरक्षणाच्या समर्थनार्थ युक्तिवाद होईल आणि राज्य सरकार आपली भूमिका स्पष्ट करेल. मंडल आयोग आणि त्यापूर्वीच्या आयोगांमध्ये मराठा आरक्षणाला स्थान नव्हते, ही बाजू प्रामुख्याने मांडली जाईल. या प्रकरणाची सुनावणी आणखी दोन ते तीन महिने सुरू राहण्याची शक्यता आहे. तिन्ही बाजू ऐकून घेतल्यानंतर या संपूर्ण प्रकरणाचा विचार केला जाईल.