Maratha Quota Row: ‘एकाची नाही, सर्वांचीच Narco Test करा’, जरांगेंच्या समर्थकांची पोलिसांकडे मागणी

मराठा आरक्षण आंदोलनाचे नेते मनोज जरांगे-पाटील आणि धनंजय मुंडे यांच्यातील वाद नार्को टेस्टच्या मागणीमुळे अधिकच चिघळला आहे. ‘माझ्या हत्येचा कट धनंजय मुंडे यांनी रचला’, असा गंभीर आरोप मनोज जरांगे पाटील यांनी केला होता, त्यानंतर मुंडे यांनी सीबीआय चौकशीसह सर्वांची नार्को टेस्ट करण्याची मागणी केली होती. आता, मनोज जरांगे पाटील यांचे गाव असलेल्या अंतरवली सराटीचे सरपंच पांडुरंग तारक यांच्या नेतृत्वाखालील एका शिष्टमंडळाने जालना पोलीस अधीक्षकांची भेट घेऊन या प्रकरणात फक्त एका व्यक्तीची नाही, तर सर्वांची नार्को टेस्ट आणि ब्रेन मॅपिंग करण्याची मागणी करणारे निवेदन दिले आहे. शिष्टमंडळाने ‘करायची तर सगळ्यांची करा, नाहीतर एका माणसाची कोणाला परवानगी देऊ नका’ अशी स्पष्ट भूमिका मांडली आहे.