CM Race: 'अजितदादा मुख्यमंत्री होवोत', मिटकरींचं विठ्ठलाला साकडं; शिंदे यांच्या पत्नी लता शिंदेंचीही इच्छा.

महाराष्ट्राच्या राजकारणात पुन्हा एकदा मुख्यमंत्रीपदावरून चढाओढ सुरू झाली आहे. राष्ट्रवादीचे आमदार अमोल मिटकरी (Amol Mitkari) आणि उपमुख्यमंत्री एकनाथ शिंदे (Eknath Shinde) यांच्या पत्नी लता शिंदे (Lata Shinde) यांनी आपल्या नेत्यांसाठी मुख्यमंत्रीपदाची इच्छा व्यक्त केली आहे. लता शिंदे यांनी म्हटले आहे की, 'आषाढी वारीची विठोबाची शासकीय महापूजा करायला आपणास निश्चित आवडेल'. दुसरीकडे, कार्तिकी एकादशीनिमित्त अकोल्यातील एका कार्यक्रमात आमदार अमोल मिटकरी यांनी अभंग गात अजित पवार (Ajit Pawar) यांनी पुढचे मुख्यमंत्री व्हावे, यासाठी विठुरायाला साकडे घातले. 'पुढच्या आषाढी एकादशीला मुख्यमंत्री म्हणून अजित पवारांनी शासकीय महापूजा करावी' अशी इच्छा त्यांनी बोलून दाखवली. या दोन्ही वक्तव्यांमुळे महायुतीमधील मुख्यमंत्रीपदाच्या सुप्त इच्छेची पुन्हा एकदा चर्चा सुरू झाली आहे.