Shivshahi Mumbai To Goa : 'शिवशाही'चा लांब पल्ला, आजपासून मुंबई ते गोवा धावणार एसटी बस

एसटी महामंडळाची आरामदायी बस म्हणून ओळख निर्माण केलेल्या शिवशाहीनेही मुंबई ते पणजी प्रवास करता येणार आहे. विशेष म्हणजे ख्रिसमस आणि नवीन वर्षानिमित्त एसटी महामंडळाकडून ही भेट देण्यात आली आहे. राज्याचे सार्वजनिक बांधकाम मंत्री रविंद्र चव्हाण यांनी ट्विट करुन यासंदर्भात माहिती दिली. कोकणातील या पर्यटनाला चालना देण्यासाठी आता अधिकची दळणवळण सुविधा गरजेची आहे. त्यामुळेच, नाताळ आणि नववर्षाच्या स्वागतासाठी कोकणात येणाऱ्या मुंबईकरांना आरामदायी भेट देण्यात आली आहे. मुंबई-गोवा मार्गावर आता ही शिवशाही धावणार आहे.