Latur Heavy Rainfall : लातूरच्या तेरणा नदीला पूर, उजनी गावात शिरलं पुराचं पाणी

लातूर जिल्ह्यातील तेरणा प्रकल्पात पाण्याची पातळी धोक्याची पातळी ओलांडल्याने मोठ्या प्रमाणात पाण्याचा विसर्ग करण्यात आला आहे. यामुळे तेरणा नदीला मोठा पूर आला आहे. उजनी गावात पुराचे पाणी शिरले असून, यामुळे गावातील शाळा, ग्रामपंचायत, बँका, दुकाने आणि अनेक घरांमध्ये पाणी साचले आहे. या परिस्थितीमुळे मोठ्या प्रमाणात नुकसान झाले आहे. दरम्यान, राज्याचे मुख्यमंत्री देवेंद्र फडणवीस थोड्याच वेळात लातूर जिल्ह्याला भेट देणार आहेत. ते पूरग्रस्त भागातील नुकसानाचा आढावा घेतील. प्रतिनिधी निशांत भद्रेश्वर यांनी दिलेल्या माहितीनुसार, लातूर जिल्ह्यात सध्या गंभीर परिस्थिती आहे आणि नुकसानीची व्याप्ती मोठी आहे. प्रशासनाकडून मदतकार्य सुरू आहे.