Pimpri-Chinchwad Fire: 'शॉर्ट सर्किटमुळे आग', Wakad येथील शोरूममधील ५०-६० दुचाकी जळून खाक!

पिंपरी चिंचवड (Pimpri-Chinchwad) शहरातील वाकड (Wakad) येथील एका इलेक्ट्रिक दुचाकींच्या शोरूमला (Electric Vehicle Showroom) भीषण आग लागल्याची घटना घडली आहे. अग्निशमन दलाच्या (Fire Brigade) प्राथमिक अंदाजानुसार, 'शॉर्ट सर्किटमुळे शोरूमला आग लागली असावी'. आज पहाटे पाच वाजताच्या सुमारास ही आग लागल्याची माहिती मिळताच अग्निशमन दलाचे जवान तात्काळ घटनास्थळी दाखल झाले आणि त्यांनी आग आटोक्यात आणली. या भीषण आगीमध्ये शोरूममधील जवळपास पन्नास ते साठ इलेक्ट्रिक दुचाकी (Electric two-wheelers) पूर्णपणे जळून खाक झाल्या आहेत. सुदैवाने या घटनेत कोणतीही जीवितहानी झालेली नाही, तथापि, मोठ्या प्रमाणावर आर्थिक नुकसान झाल्याचे स्पष्ट झाले आहे. या घटनेमुळे इलेक्ट्रिक वाहनांच्या सुरक्षिततेचा प्रश्न पुन्हा एकदा ऐरणीवर आला आहे.