Farmer Distress: 'आमच्याकडे कोणीच बघायला आलं नाही', Palghar मध्ये शेतकऱ्यांच्या डोळ्यात पाणी

पालघर (Palghar) जिल्ह्यात अवकाळी पावसाने (Unseasonal Rains) भात शेतीचे (Paddy Farming) मोठ्या प्रमाणात नुकसान झाले आहे, ज्यामुळे शेतकरी हवालदिल झाला आहे. संतप्त शेतकऱ्याने 'आमच्याकडे कोणीच आलेलं बघायला नाही... पिकांची माजमोपनी करून त्याची भरपाई आम्हाला करून पाहिजे सरकार कडून,' अशी मागणी केली आहे. परतीच्या पावसामुळे हाता-तोंडाशी आलेला घास हिरावला गेला असून, शेतात सर्वत्र पाणी साचल्याने कापणीसाठी तयार झालेले भाताचे पीक झोपून गेले आहे. अनेक ठिकाणी दाण्यांना कोंब फुटल्याने (Sprouted Grains) ते पीक आता कोणत्याही कामाचे राहिलेले नाही. प्रशासनाकडून अद्याप पाहणी किंवा मदत न मिळाल्याने शेतकरी संतप्त झाले असून सरकारने ओला दुष्काळ जाहीर करून तात्काळ मदत द्यावी, अशी मागणी जोर धरू लागली आहे.