Dawood Properties: दाऊद इब्राहिमच्या मालमत्तांवर पुन्हा सरकारचा हातोडा, Ratnagiri मधील जमिनींचा लिलाव जाहीर

अंडरवर्ल्ड डॉन दाऊद इब्राहिमशी (Dawood Ibrahim) संबंधित रत्नागिरीतील (Ratnagiri) मालमत्तांचा पुन्हा एकदा लिलाव होणार आहे. ही कारवाई SAFEMA कायद्याअंतर्गत करण्यात आली असून, ४ नोव्हेंबर रोजी लिलावाची प्रक्रिया पार पडेल. या लिलावात दाऊद इब्राहिमशी संबंधित रत्नागिरीतील शेतजमीन आणि इतर तीन मालमत्तांचा समावेश आहे, अशी माहिती समोर आली आहे. या मालमत्तांमध्ये खेड तालुक्यातील मुंबके गावातील १७१ चौरस मीटर शेतजमीन सर्वाधिक चर्चेत आहे, जी दाऊदची आई अमिना बी यांच्या नावावर होती. जानेवारी २०२४ मध्ये झालेल्या लिलावात पारदर्शकतेवर प्रश्नचिन्ह निर्माण झाले होते, त्यानंतर आता पुन्हा एकदा या मालमत्ता लिलावासाठी ठेवण्यात आल्या आहेत. या लिलावातून सरकारला सुमारे वीस लाख रुपयांचा महसूल मिळण्याची अपेक्षा आहे.