Kolhapur Panchganga River : पंचगंगा नदीच्या प्रदूषणात घट, CPCB च्या अहवालाने दिलासा

कोल्हापूरच्या (Kolhapur) पंचगंगा (Panchganga) नदीच्या प्रदूषणाबाबत दिलासादायक बातमी समोर आली असून केंद्रीय प्रदूषण नियंत्रण मंडळाच्या (CPCB) अहवालात नदीच्या पाणी गुणवत्तेत सुधारणा झाल्याचे म्हटले आहे. केंद्रीय प्रदूषण नियंत्रण मंडळाच्या अहवालानुसार, 'पंचगंगा नदी सर्वसाधारण प्रदूषित' असल्याचा उल्लेख करण्यात आला आहे. एकेकाळी देशातील सर्वाधिक प्रदूषित नद्यांमध्ये पंचगंगा नदीचा समावेश होता, मात्र आता प्रदूषण काही प्रमाणात कमी झाल्याचे स्पष्ट झाले आहे. ताज्या अहवालानुसार, महाराष्ट्रातील ५४ नद्यांचे प्रवाह प्रदूषित म्हणून ओळखले गेले आहेत, जे देशात सर्वाधिक आहे. याच अहवालात पंचगंगा आणि कृष्णा नद्यांना 'साधारण प्रदूषित' श्रेणीत ठेवण्यात आले आहे, जसा आढावा आमचे प्रतिनिधी विजय केसरकर यांनी घेतला.