Chhagan Bhujbal on OBC Reservation : OBC मधून आम्हाला बाहेर ढकलण्याचा सरकारचा डाव

Chhagan Bhujbal on OBC Reservation : OBC मधून आम्हाला बाहेर ढकलण्याचा सरकारचा डाव

मुंबई: मराठा आरक्षणाचा प्रश्न पेटलेला असतानाच आता ओबीसी आरक्षणाचा प्रश्न ऐरणीवर आला आहे. राज्याचे अन्न व नागरी पुरवठा मंत्री छगन भुजबळ (Chhagan Bhujbal) यांनी ओबीसी आरक्षणासंदर्भात (OBC Reservation) आक्रमक भूमिका घेतली आहे. आम्हाला ओबीसीतून बाहेर ढकलण्याचा सरकारचा डाव असल्याचा आरोप छगन भुजबळ यांनी केला आहे. मराठा आरक्षणाला (Maratha Reservation) विरोध नाही पण ओबीसीमधून त्यांना आरक्षण नको अशी भूमिका त्यांनी घेतली आहे. 

राज्याचे मंत्री आणि ओबीसी नेते छगन भुजबळ म्हणाले की, ज्यांना कायदेशीर आरक्षण देऊ शकत नाही, त्यांना मागच्या दाराने कुणबी सर्टिफिकेट द्यायचं आणि आरक्षणाला लाभ द्यायचा प्रयत्न सुरू आहे. दुसऱ्या बाजून जे ओबीसी समाजाचे आहेत त्यांना हायकोर्टामध्ये लढून ओबीसीमधून बाहेर ढकलायचं असा दुहेरी कार्यक्रम सुरू आहे.