Buldhana : शेगावच्या गजानन महाराज मंदिरात ई पासधारक भक्तांनाच प्रवेश मिळणार, 7 ऑक्टोबरपासून प्रवेश

कोरोना व लॉकडाऊनमुळे बंद असलेली धार्मिकस्थळे उघडण्याचा सरकारने निर्णय घेतल्या नंतर शेगाव येथील श्री संत गजानन महाराज मंदिर येत्या 7 तारखेपासून म्हणजे गुरुवारी सकाळ पासून उघडणार असल्याची माहिती शेगाव संस्थान कडून मिळाली आहे. गेल्यावेळी प्रमाणे कोरोनाचे नियम पाळून फक्त ऑनलाइन ई पास धारक भक्तांनाच दर्शनासाठी प्रवेश दिला जाणार असून दररोज फक्त 9 हजार पास धारक भक्तांना दर्शन घेता येणार आहे , तसच 10 वर्षाच्या आतील व 65 वर्षावरील भक्तांना प्रवेश नसणार आहे. मंदिराकडून इ पास काढण्यात काही अडचण आल्यास हेल्पलाईन नंबर देण्यात आला असून हा नंबर 24 तास आपल्या मदतीस असेल.