Mahapalikecha Mahasangram Akola 'फक्त टॅक्स घेता, विकास शून्य',नागरिकांचा निवडणुकीच्या तोंडावर संताप

अकोल्यामध्ये आगामी महानगरपालिका निवडणुकीमुळे राजकीय वातावरण तापले आहे, मात्र नागरिकांमध्ये विकासाअभावी तीव्र नाराजी पसरली आहे. 'फक्त टॅक्स घेणे चालू आहे, तो टॅक्स आम्ही चुपचाप देतोय,' या शब्दांत एका संतप्त नागरिकाने आपली व्यथा मांडली. गेल्या साडेतीन वर्षांपासून शहरात नगरसेवक, महापौर किंवा उपमहापौर नसल्याने अनेक विकासकामे रखडली आहेत. यामध्ये निवतापड्या नगरमधील पुलाचे अर्धवट काम, उमरी ते जठारपेठ परिसरातील खराब रस्ते, अपुरी पथदिवे आणि स्वच्छतेचा अभाव यांसारख्या समस्यांचा समावेश आहे. जागोजागी कचऱ्याचे ढिग साचले असून नाल्यांची सफाई होत नसल्याने नागरिक त्रस्त झाले आहेत. आता येणाऱ्या नवीन सत्ताधाऱ्यांकडून तरी शहराचा विकास होईल आणि प्रलंबित प्रश्न मार्गी लागतील, अशी अपेक्षा अकोलेकर व्यक्त करत आहेत.